#NSS其他
[GUEST ] 首先好抱歉用咗個比較標題黨嘅題目「呃咗大家入嚟，因為事件並唔係發生喺香港嘅學校裏面🙇♀️
小妺今年去咗加拿大留學，因為英文比較差所以都同翻香港人一齊玩。其中有個 friend（簡稱 A） 大約 14 / 15 年左右已經全家移民去加拿大。咁今日上堂照舊做曬嘢就開始「碌 」IG（唔確定係咪正字），我睇睇吓 IG 嗰陣 A 突然之間比咗條弱智抖音片比我睇（真係好弱智嗰種）我下意識接咗句：「吓，抖音？」佢就答我話抖音有咩問題，仲反問番我話我唔係冇啊嘛。咁我又真係冇喎。佢就話：「抖音咁多嘢睇，點解唔 down？」咁我就話大陸嘢唔想 down。之後佢就問我點解唔鍾意大陸野，所以我就解釋比佢聽啦，最後問佢唔係冇聽過 721 831？佢問返我啲數字咩意思。咁我下一句就問佢「有冇聽過反送中？」佢又話冇。
（解釋吓先，我哋呢堂咁啱就有 6 個香港嚟嘅（包括我），又咁啱全部坐埋一齊。）
佢話冇聽過之後另一個（B，都係今年嚟嘅）就話：「你（A）唔係話有睇香港新聞㗎咩，就算睇 TVB 都唔會冇聽過啦？」坐我哋後面嘅另一個（C）就話：「佢咁細個嚟，冇留意都正常。」
我諗諗吓又其實係喎，佢冇經歷過反送中遊行、國安法、香港正苦對香港人嘅種種壓迫，或者可能佢嘅身份認同已經冇咗「香港人」呢個身份，實在冇得要求佢同我哋香港人一齊奮戰落去。（或者軟弱如我一個「逃兵」冇資格講呢句(´°̥̥̥̥̥̥̥̥ω°̥̥̥̥̥̥̥̥｀)）
打呢篇文係希望各位香港人可以銘記呢段歷史，唔好忘記中共、香港正苦對我哋嘅壓迫，更加唔好拋棄香港獨有嘅文化，守護好廣東話、守護好繁體字🥺
( Sorry for 1999 🙏 )