#NSS學校
[Guest] 小妹今年f.2,係班入面做班長同數學科長
一直都有野係個心入面,本身以為搵frd傾下講下就冇事 點先發現好似越嚟越唔開心
係咁嘅 話說我哋班有兩個班長 咁我係其中一個啦跟住第二個呢就成績優異各方面都好好,簡單來講就係品學兼優.咁上年我哋學校有分精英班,佢係精英班嘅學生嚟嘅,好受老師同埋同學討好,我哋其中一個班主任都有偏心佢,有乜嘢都搵佢做,佢唔喺度先會搵我.佢同我性格都幾唔同,好少會喺全班面前大聲吹水,成日好似低低調調咁.同埋我同佢唔係好夾,佢比較遲鈍？要畫公仔畫出腸咁樣講,有時都係扮frd傾兩句吹吓水,所以要講清楚都有啲難.
咁我份人就比較熱情,係個班入邊都有幾多frd,由細到大都係嗰種比較粗魯又好多嘢講嘅人,成績叫做係班入邊中間.但係唔知點解我總係覺得班長應該係成績好好然後上堂專心唔講嘢,成日都保持低調嘅感覺.應該就係因為我呢種諗法,導致我覺得我好似好唔配做班長咁,同埋我好怕尷尬,成日都好驚講錯嘢俾人笑或者俾人講是非 (多嘢講但係怕尷尬)所以可能老師唔叫我都唔會主動去做,呢個性格真係想改!之前一直都好想試吓做班長,但係有得做嘅時候就會覺得好大壓力 好似樣樣都比唔上佢,又驚其他同學覺得我好無用.
之後數學科長都有兩個,嗰個數學科長係我係呢個班入邊嘅best frd 唔算成績好好但係就比數學老師偏心,呢位老師係全班都好鍾意佢嘅(包括我) 所以我就想喺佢面前盡量做好科長嘅職責,幫到就幫.都明白老師都係人,都有特別鍾意嘅學生,但係到10月頭就開始有少少呷醋嘅感覺,可能大家睇到呢度覺得我好公主病😂,但係我都唔知點解.個老師係見到我哋兩個係班房,佢需要幫手就會自然叫第二個數學科長 或者有啲文書工作都會叫佢做,我成個職位好似俾人無視咗咁…咁當然平時收功課嗰啲我都會做,因為始終係我應該做嘅,但係我都想為呢個班付出多少少,但係又好似冇乜機會,唔知係邊度入手.好啦咁前幾日個老師就好明顯咁樣係全班面前偏心嗰個科長?而坦白講我真係呷醋左😂
其實呢件事之前都有同幾個frd講過下,佢哋都叫我唔好諗咁多,做返自己.其實我都想,但係可能本身有好勝心,同埋星座嘅關係??(小迷信),就會成日有呢啲負面諗法係個心入邊.覺得成日搵frd佢哋會開始嫌我煩
我真係唔知點算好,直接同呢兩位拍檔講,又好似難開口啲,我真係想令自己減少有呢種諗法…如果我太有問題真係真係唔好意思🙏🏻
[任屌唔嬲]