#NSS學校
[GUEST] 好奇想問吓香港中學生係咪開始比大陸同化？唔知係咪因為地區問題，我間學校上水附近，大陸同學真係特別多，重點係好似我落去小食部坐下咁，附近10個有9個都係講普通話，咁呢個我都算啦。好耐之前識咗一個同學，本來我哋都係用WhatsApp傾偈嘅，但後來唔知點解慢慢佢叫我用微信、微博 咁我話我冇，佢仲話我好out （？但係我冇辦法之下download 左微信同佢傾偈，去到依家，佢send message比我全部用晒簡體字，甚至用埋大陸嘅網絡用語，就好似幾個月前，我哋喺學校講開動漫，佢無啦啦就話咩yyds， 嗰一刻我真係唔知佢講咩，佢反而好surprise 以「咁都唔知…」嘅語氣話我，仲話呢啲term人人都識，身邊嘅人個個都講…最後我search左先知，原來又係d大陸用語…
–
令我不解嘅係，明明有d係香港人，但為咗迎合人地 唔再用香港本土詞語，點解好似喺學校想搵返啲正正常常 寫繁體 用WhatsApp ig 嘅同學都咁難？
–
伸延到去另外一個話題，周街見到啲中小學生，甚至自己學校嘅，大部份都講晒普通話。佢哋係為咗迎合人哋而講普通話，定係真正內地人都好，喺香港唔係應該盡量用返廣東話？
–
更可悲嘅係以前大陸雙非落到嚟，或者講普通話嘅可能會比人笑，所以佢哋更加願意去學習講廣東話 但係依家喺我學校入面寫繁體，支持香港本土文化、歌曲 越來越少 ，反而呢一類真正嘅香港人好似絕咗種咁（I mean喺學校入面）甚至被視為「異類」…
點解好似依家好多學生都比大陸同化咁？唔係用大陸用語簡體唔得，日常生活好難避免用大陸野，了解下大陸嗰邊d野係得嘅 但係喺香港溝通上就用返廣東話啦😂😂
所以我都唔敢想像未來會係點。唔知未來教地理嗰陣會唔會再用Hong Kong…純粹有感而發😂