#NSS個人
[GUEST] 交代番背景先，小弟今年f.4，想同大家求助下友情方面嘅問題🙏
我有一個朋友由小三識到而家，得佢一個同我同我識左咁耐仲可以咁熟，以下簡稱為😀。
有一個F. 1開始一齊打開機嘅女仔同我地兩個都係 frd，以下簡稱😺。（唔係爭女)
今年😺同😀表白左，所以佢地就喺埋左一齊，咁我同佢地嘅關係都係咁 frd，一直都有 keep住一齊去玩，只不過每次我約😀都要約埋😺咁解(因為😀話冇😺就唔去)，當然我係喺祝福佢地長長久久嘅立場，話哂我同😺都係 frd，個陣就諗緊多個人仲開心啲，所以我一直都冇咩所謂，但係過咗冇耐就發生左一件事，令到我地嘅關係跌入谷底。
接近暑假尾聲個陣，我去😀屋企打機，然後理所當地😺都係度，咁我都已經習以為常，照常開部 ps4打機。
咁玩玩下就講左句黃色笑話，因為我同😀講開呢啲野，但係佢突然細細聲同我講:「叫左你唔好講架啦。。。」。我突然醒起前兩日上去😀屋企個陣，佢話😺唔鐘意聽呢啲野，同我講:「😺喺度嗰陣唔好講。」。
但係我嗰陣淨係講左句sor，因為我唔係對住😺講，亦唔係性騷擾😺，講嘅話說又唔係咩變態嘢，就冇咩點在意呢件事。
過左幾日之後，我 share咗個 post比😺，但係我發現佢 block左我ig，咁我就喺度諗佢點解 block左我，但係我嗰陣就冇諗到喺關講黃色笑話嗰單野，搞到我都嬲嬲地，所以都幾日冇揾佢地。
經過幾日時間冷靜，我諗到係因為講咸野所以佢先 block左我，咁我都去同佢道歉，因為今次係我賤格，而佢都原諒左我，但係我都估唔到會因為呢件事令我地嘅關係改變左咁多。
事隔一個禮拜後嘅星期五，我去問😀星期六可唔可以去你屋企玩，佢拒絕左，因為星期六佢嘅屋企人唔係屋企，想同😺二人世界，咁我就梗係唔去阻住佢地啦，就同😀約左星期日再去佢屋企。
而我星期日去到😀屋企嘅時候，😺一見到我就直接成塊面黑哂，佢當時就好似想講:「玩野啊？點解你又上黎？阻L住哂…. (粗口省略)」。總之個樣就係好L唔 gur我，但係我就扮見唔到佢個樣，因為😀個樣都有少少驚訝，咁我就開始燥燥地，心諗:「乜你咁都可以唔記得？就算妳見到我都唔使咁L樣啊嘛？」。但係我扮唔知，費時到時尷尬。
然後嗰日我坐喺客廳玩，佢地就入左去房，好似唔想同我坐埋一齊咁，午餐又分開食，嗰日我連一粒字都冇同😺講過，同😀講嘅字數唔超過三位數。
去到夜晚，😺己經走咗，😀己經出番黎客廳，但係我同佢基本上冇交流過，然後我臨走個陣，😀突然同我講:「😺唔比你再上黎啦，所以你以後唔好再上黎啦。」雖然我估到會有咩事發生，但係我冇諗過佢會咁樣同我講，所以我淨係可以問番句:「點解？」
😀:「因為佢話你阻住我地兩個… 」
我:「… 」
😀:「其實我已經阻止過架啦… 但係我真係冇計啊… 唉… 我……. 亅
我:「得。」
我走左之後其實一直諗緊呢件事，憤怒，不安，焦慮，各種負面情緒搞到我精神上胃痛左幾日。我block左😺，因為我嗰日番左屋企後，佢仲 message我多一次叫我以後唔好再上😀屋企，所以我決定要同😺絕交。我真係唔鐘意呢種人，佢實在太過自我中心。😺差唔多日日都去揾😀，然後同我講開學之後相處時間太少(呢單野發生嗰陣已經開咗學)，唔希望我阻住你地，但係我又唔係成日去揾😀，我開學之後最多都係一個禮拜去位屋企一次，有時候甚至一個月去一次，咁樣真係阻住妳咩？
因為呢單野令我同😀已經三個月冇聯絡，但係我並唔係想同佢絕交。而😀係愛情大於友情嘅人，所以😀一定好聽佢女朋友話，雖然我認為佢仲當我係 frd，但係呢三個月我地一啲交流都冇(😀冇 ig, 😺同我互 block)，因為我地唔同中學所以我完全唔知任何關於佢嘅事。
回到正題，我已經唔想再咁樣，雖然我有諗過淨係約😀出黎食飯，但係我冇勇敢去問，我驚佢已經唔當我係 frd，所以一直都冇 whatsapp佢。但係我真係好唔鐘意😺，所以我淨係想約😀出黎。我真係希望我可以同😀變番之前咁 frd，所以我希望各位可以比少少建議我，因為我而家真係好迷茫。
多謝大家睇到呢到，辛苦晒admin🙏
Sorry for 1999