#NSS學業
[GUEST] 我睇左大家喺#NSS211209D嘅comment，希望同大家理性討論，多加交流。
或者有人會話：我日常生活中去街市買餸邊度會用到高階數學呢？的確，你未必用到，但係對生果店嘅老闆又係唔係一樣呢？喺十七世紀，數學家提出喺三維歐幾里德空間點樣排列球體先係最好嘅（即係克卜勒猜想Kepler Conjecture），通俗理解即係喺個生果欖入面點樣放啲橙先可以放到最多嘅橙。通過計算，我地得知最大嘅堆積密度係大概74.05%。咁呢樣嘢對於生活又係唔係息息相關呢？
對於其他高階數學，例如數論(number theory)、群論(group theory)，我認為未必可以話係「唔有趣」，最多只係比較繁複、難理解，可能會令你絕望，但係絕對唔係無趣。如果真係無趣，又點會有人願意研究呢啲範疇？
有comment話有同學睇唔明Euler‘s identity，咁就大概喺度講下。大家可以用Taylor Series得出
e^(ix) = cos(x) + i sin(x)
由此可見，當x=pi，e^(ix) = -1
而其實e^(2ni(pi))（n係任意自然數），得出數值都係 -1。
睇咗#NSS211209E，我覺得呢位作者本來對數學充滿熱誠。做數做到訓唔著呢啲情況都唔係罕見，相信對於數學有熱情嘅人都會明白。但係假如數學只有帶來成績而冇樂趣，可能係因為DSE數學嘅問題。如果試下做比賽題目或者自學高階數學，結果又有機會會唔同。
數學不僅限於DSE嘅syllabus，或者咁講，DSE嘅syllabus係苦悶嘅，只係要求大家操練。但係數學嘅樂趣並不在於考試，不論係數學、其他理科或者文科，往往in syl嘅嘢都係折磨，out syl先係精粹。如果DSE磨滅咗大家對數學嘅興趣，不妨研究一下其他範疇嘅數學。
（請留意我所講嘅都係個人見解，包括上一篇，只係希望大家可以享受數學，消除偏見，而唔係逼大家鍾意數學。）