#NSS個人
[Guest] （admin plss post ig 好需要大家意見💕thanks)
同朋友相處硬係有啲嘢
咁我同A朋友就識咗大約6-7年，大家都住得超近，一直都好frd ，從來都冇嗌過交。我同B朋友就F1識(而家f2) 都算熟嘅，今年我就同A,B同一個班 ，大班裏面再分拆兩個細班 ，而A,B就同一個細班，我就同佢哋分開嘅。咁佢哋兩個遊蹤開始都知大家嘅存在，咁慢慢都做咗frd ，都OK熟嘅
。
唔知幾時開始，B朋友成日都黐住A朋友，成日係班房大聲嗌佢個名，一返到學又淨係搵佢，我完全好似個透明人。有次我搵我同A朋友傾偈 B直情推開咗我。佢口講就話同我好friend又成日flirt我（大家都係女），實際上就…😵💫 咁我都有同佢講過我嘅感受，但係佢就轉移話題咁我都放棄。
因為分開咗兩個細班一齊相處嘅時間唔多，只係得啲小息同放學時間可以一齊，所以我都好珍惜同A一齊相處嘅時間。但係唔知幾時開始B朋友 一見到我同A朋友一齊嘅時候佢就會黐埋嚟，B次次都攬頭攬頸又成日拍埋啲奇怪片放上story懶係sweet 咁（我哋全部都係直）又利用我咁，完全係表現到想搶咗我個friend（A朋友） 咁。
我真係好憎3人行咁樣相處，好辛苦。雖然A朋友冇特別傾向邊邊，但自己覺得好唔舒服。
咁今日我就同A朋友講咗我對於呢件事嘅感受，咁佢就話「放心啦冇咁易搶到」「坦白講我同佢好frd ？未算得上 。都叫做傾到兩句計」。咁佢一直講嘢都好直接咁我都信佢嘅。
問題嚟啦，我27號要飛，咁佢哋同另外兩個同學都話要送機，但係我真係唔想又係 我同A同B同時出現，我都唔係好想B去，始終都係有個心結
。或者可以咁講 ，有A冇 B 有B冇A。咁我識咗A咁耐都有感情，最唔捨得都係佢，我一定係揀前者。咁我就問咗A 嘅意見，佢就話我同B始終都喺中一嘅時候有好多回憶，佢唔去嘅話可能會有遺憾。
可能睇完上面你點會覺得我好似好唔適合群體生活，但係其實我同B朋友係同另外兩位frd 一齊識，一齊相處都冇乜嘢，只係呢一個三人組合令到我好唔舒服。
所以想喺呢度問吓大家點睇，同埋我打完上面篇野我覺得我自己好有問題，大家可唔可以俾啲意見Thanks🙏🏻🙏🏻
–
辛苦admin plz post ig thanks💕🙏🏻