#NSS學業
[GUEST] Hihi
本人而家 F2，對未來有d迷茫
講返屋企少少背景先，環境唔係太好，住緊公屋，屋企人收入啱啱好夠用。
咁個問題嚟啦，我好想讀 IB，但係聽人講要讀得好、攞高分係靠補習，而d補習又貴到飛起，係屋企負擔唔到嗰隻。真心，我好唔鍾意 dse， 一d都唔想讀 dse，唔好講政治先，淨係d制度同模式我都唔鍾意。
咁我唔補習嘅話，格硬讀 IB，會唔會讀得好差？同埋比較想知嘅係，對 IB 嚟講，補習係唔係咁重要？而且有d擔心嘅係，香港嘅大學收生率總共淨係讀10%係收 IB 生，如果我唔補習，最後讀得差，攞唔到40+分，剩低嘅選擇/出路咪得返好少？（外國好d嘅大學都唔會睬我啦）咁嘅情況下，我不如放棄興趣，穩陣d，去讀 dse算？
Btw, 自問成績唔算差(?)，淨係偏科比較嚴重，中文同數好廢，其他科都考得唔錯，舊年我嘅名次係30左右，不過舊年係 F1 咋… 唔知嚟緊d成績會係點（so far 今年的d嘢仲應付到
講咗咁多，我都知最後真係讀 dse 嘅話，都有機會要補習，但係坊間補 dse 嘅多d，價錢有d都算平呀嘛，係屋企負擔到個隻。我亦都知而家淨係 F2，仲有大把時間，但係想讀 IB 嘅話，今年同F3 嘅成績好重要，要開始 “部署” 定喇…
重要嘅嘢講多次，我唔補習，格硬讀 IB 嘅話會唔會讀得好差？更加想知嘅係，對 IB 嚟講，補習係唔係咁重要？
打咗咁多嘢，多謝你讀到嚟依度
我真係好迷茫，我仲應唔應該以讀 IB 為目標
希望大家可以幫吓手，解答一吓我d疑問 thankss
我的d中文真係廢㗎，sorry for 1999
Admin pls po ig thanks