#NSS個人
[GUEST] 唔知有沒人同小妹一樣近視千幾二千度，加埋散光勁深呢？
係學校，係一種異類。俾人成日問近視幾深，講一次就傷心一次。成日俾人笑之餘，周不時俾人走去除左我副眼鏡，有時佢地仲要收埋佢，咩都做唔到，只能活在超矇矓的世界，好似傻婆咁係度搵眼鏡。我副眼鏡就好似畀人挾持住，為左佢要不惜一切救番佢出來，因為眼鏡看似寶貴過你的親友。去找老師和朋友都看不到，人都認唔到，你們會覺得我可以認到副眼鏡嗎？如果你覺得ok，相信你地未見過我沒左眼鏡仆在地上，無助地仲俾人笑緊。
相信Laser都做唔到，但可能你會話戴con就得，可惜世界上散光同近視con沒咁深。同埋好驚俾人係後邊拍到，副con就掉在地上，跟住就算有盲公竹都返唔到屋企。
有咩意見可以俾下小妹？或者可以分享下你們的經驗嗎？