#NSS個人
[GUEST] 只係想提返大家 凡事有因必有果
首先想講返 呢篇純粹個人感受 冇興趣/趕時間可以skip
事緣 最近 我有個frd(A) 佢同佢兩個frd炒左(B同C) 而我同A B三個人原本係close frd C我就唔識嘅 重點就係 佢哋炒左之後 A先開始識後悔 先至開始識改善 補鑊 以後做好啲 雖然口講就係話知錯會改 但係睇佢啲語氣 總係feel到佢有啲唔甘心 覺得自己冇錯 又話自己自問對frd好好 好多時都遷就人哋 又話自己唔開心都收收埋埋 好攰咁樣 最終都係講到自己好慘咁 其實我想講 如果你係攞個心出嚟對朋友 點解會搞成咁? 唔係話你完全冇攞個心出嚟 而係好多時 喺唔適當嘅時候做唔適當嘅嘢 激嬲人哋 令人哋反感 唔想再同你相處 又有陣時目中無人 呢個先係致命點 同埋 點解咁多人唔炒 係得你炒?
所以 我想講嘅係 麻煩大家做每個決定之前 三思而後行 真係諗清諗楚先好做 否則日後後悔都冇用 唔好要求人哋原諒你 再者 每件事都有一個原因 出聲之前 不妨諗吓點解呢件事會發生 諗吓自己會唔會做錯啲咩 多啲反省 而唔係不停推卸責任 覺得自己冇問題 因為咁樣會逐漸自大 失去嘅嘢好快就越嚟越多 最後 想提提大家 千祈唔好覺得個世界係圍住自己轉 想點就點 成個皇帝咁 講咩人哋就要聽 試吓多啲代入人哋角色 諗吓人哋感受 明知人哋會唔開心嘅 就唔好做唔好講 禍從口出 講錯一句野就返唔到轉頭
好啦 我講嘅就咁多 以上嘅嘢純個人感想 並冇針對任何人 睇晒嘅俾個心心你