#NSS愛情
[Guest] 講吓背景先，小弟今年F.5，有個阿哥都係F.6。而我鍾意咗一個F.6嘅師姐，下稱A。我會識佢係因為佢同我阿哥係friend，佢哋又F.2識到而家，而佢地friend group入面有男有女。佢地成日都約出街，或者去其中一個屋企打邊爐個啲。咁啱我展企又成日都冇人，所以佢地成日都上黎我屋企到，久而久之大家又同一間學校，又成日見，所以愈來愈熟。
A喺學校都幾受歡迎，有打開排球幾sporty，性格仲要好好，加上個樣好cute，大約165左右，基本上無咩人係唔鍾意佢。可以話係我地學校公認嘅女神。而我都算受歡迎嘅，有打籃球，而家182高，但可能因為唔太social，所以無咩異性朋友。我鍾意佢嘅契機係F.4嗰陣有一次佢地又約上黎我屋企到，咁啱個日我無街出，所以就留在喺屋企入左房，費事阻住佢哋。到夜晚佢地嗌pizza食，而我就諗住出街食，呢個時候阿哥就入黎問我一唔一齊食話係A叫佢問嘅。之後次次佢地留係到食夜晚，A都會問我一唔一齊食。所以我對A嘅好感都直線上升。之後上年社籃，雖然我同A係唔同社，但比賽個陣我聽到佢有幫我打氣，仲勁大聲叫我個名。隔住中間嘅人，我同佢四目相對，個下我知我鍾意左佢。我哋學校都會喺社籃之後影相，而我借啲意走去搵我阿哥，之後就問A影唔影相，於是張相就變成我嘅Wts background畢竟wallpaper 太明顯。而我同A間唔中都會reply下對方嘅story，傾下計咁。
之後我都有問過阿哥A有冇男朋友，有冇鍾意其他人，阿哥都答冇，而佢都察覺到我鍾意A，仲話可以幫我。但我都話唔洗，始終我細過A，佢仲要咁受歡迎有大把選擇。我想試下主動，細過佢呢樣野係最令我卻步嘅原因，我唔介意但我驚佢會介意。所以想問下有冇人有姐弟戀嘅經驗，可以畀啲意見我🙏🏻🙏🏻