#NSS學校
[女校] 事情係咁嘅
我哋間學校真係好唔尊重我哋
1 日日叫我哋打針
早會都要講幾十次先可以
雖然我本人打咗 當係保障
但係其實佢不停講我覺得騷擾到嗰啲冇打針嘅同學
其實唔打針嘅同學有佢哋嘅原因
係咁谷都冇用
我覺得呢一點我哋學校真係好唔尊重我哋
始終我哋都有權選擇我哋打唔打針
但係我哋唔打針就有人會早會開咪同我哋「溝通」
我打咗針都覺得真係好煩
為咗達到教育局嘅要求係咪就一定要咁？
永遠有幾級冇得參加活動嘅時候
理由總係話我哋冇打針
我覺得其實係合理
但係有冇諗過其實打咗針嘅人都好想參加
點解要全級都冇得去？
其實你想我哋打針我哋都明
只不過係我覺得唔打嘅就一定唔會打
就算係催都唔好催咁密
又喺度講埋晒啲咩respect
最乞人憎就係呢點
永遠都叫我哋尊重人
但係你有冇尊重過我哋？
2 逼我哋唱詩歌
其實你鍾意唱你咪自己唱飽佢
我知我哋學校係基督教學校
但係我覺得都唔使逼得咁緊
基督教學校入邊都有好多唔係基督教嘅人
我係基督徒 但係我都覺得你咁樣係咪真係好唔尊重
喺基督徒嘅眼中唱詩歌可能係好正常
但係喺正常人嘅眼中你逼人唱詩歌就係唔啱
其實日日喺度祈禱唱詩歌聖經堂
呢啲嘢我真係覺得冇問題
因為我從細到大都係咁
但係冇信仰嘅人真係冇必要跟足晒
個個祈禱嗰陣時候都瞌埋眼已經叫好尊重
佢哋其實真係冇必要做晒基督徒嘅樣
我覺得就算你係信基督教都唔可以逼我哋信
希望學校真係可以尊重啲
了解返同學嘅感受先至再講嘢
仲有好多事我都冇講到出嚟
不過讀呢間學校嘅都知啦
thank you admin🙇🏼♀️