#NSS學業
[Guest ] 求下admin post ig，Thx。小妹文筆唔好，請多多原諒。
小妹剛剛升中一，升左上中一有好多嘢都改變左，唔單單係溫書嘅方法唔同，連我自己嘅生理時鐘都亂曬。我係小學嘅時候成績已經唔好，我唔想中學啲成績都好似小學咁差，所以我好緊張自己嘅成績，我宜家日日放左學返屋企食完中午就溫書同做功課，做到夜晚跟著就食飯同沖涼，瞓覺前我都會繼續溫書。考試嘅時候，我有時會連中午都唔食直接溫書，溫到11點，但係生活與社會呢科我都係唔合格。開學到宜家我打電話去啲心理熱線嘅次數都多左，而我由9月開始到宜家都係咁溫書，但係我宜家嘅行為或者心理開始有啲異常，例如我會無啦啦咩都唔想做只係想死、晚晚都瞓唔到、對咩都冇興趣、會突然間想喊想死。我阿爸都有同我講過我啲溫習方法唔啱，我都有上網找過啲溫習方法，但嚟嚟去去都係嗰啲，同理都冇咩用。
請問各位我應該點溫書?可唔可以提供下啲方法比我?唔該曬各位