#NSS學校
[九龍城 民X 書院] 大家好 小妹今年 F5 相信大家對我就讀嘅學校唔會太陌生呢間學校擁有九十幾年歷史 坊間好多人都話佢唔錯 甚至乎好多人都有想入讀嘅念頭 但我哋做人要有多角度思考嘅能力 唔可以一味追捧所謂嘅名校 因此小妹今日想同大家分享下呢間學校啲少為人知嘅秘密 同埋拆解大家普遍對呢間學校嘅誤解（當中會牽涉一啲我嘅個人經歷）希望可以為大家提供多啲唔同角度嘅參考資料
❎誤解1❎
「坊間好多人都話呢間學校係名校 師資應該唔錯啦！ 」
冇錯…..呢間學校的確係有啲好老師 但係其實都唔係你想像咁好 就等小妹同大家分享幾件事啦
1.有個姓黎嘅中文老師根本全校公應唔掂 但到而家仲留喺度教緊 ❎佢教書速度勁慢 成日教唔哂啲 syllabus 去到考試前先臨急抱佛腳 極高速教書（一堂教一課）忽快忽慢令學生吸收唔到D 知識. ❎ 佢記性超差 經常忘東忘西 有次佢以為我哋作咗某篇文 （其實我哋根本未作 差啲搞到我哋嗰篇文全班冇分）❎有一次 小妹報咗朗誦比賽 其實中文老師係有責任要幫我哋訓練 但佢竟然唔記得咗我報咗朗誦 我每次提佢 佢都敷衍了事😔 去到比賽前兩星期 佢先突然之間醒起 跟住就草草幫我練 根本就幫唔到手 結果要我阿媽聯絡佢以前一個舊同事嘅朋友（係做老師）幫我練 搞到非常狼狽 尷尬……😔😔 ❎ 仲有好幾次 佢竟然唔記得要上堂😡😡 走咗去食飯/教員室趴喺張枱瞓覺 呢種情況起碼發生咗十次或以上❎ 關於呢個老師嘅嘢 如果要講 講足一日一夜都未講完……❎ 好彩我只係初中畀佢教咗一年…….
2. 有個數學老師 ❎根本上堂就唔會點講解 只係草草講兩三句 就開始不斷叫我哋做練習 有唔識問佢嘅時候 佢只會擘大眼望住你 然後求其解釋一輪（有幾次仲要解釋錯）好彩小妹本身數學唔錯 同埋有去補習 如果齋靠佢 就真係死得…..❎
3. 有個 Geo 老師 ❎上堂淨係識串人/閙人 不斷講佢嗰啲自製嘅金句…… 煩死人😡😔 好唔容易終於入正題教書 又教得唔清唔楚….. 枉佢仲係啲咩升學就業輔導主任 最基本教書都搞唔掂……. （仲要噴到成身古龍水 D 味超俗）❎
4 中三嗰年….. ❎我有一次唔小心整爛咗副眼鏡 喺等緊新眼鏡嗰幾日 我問嗰班主任可唔可以坐前啲 等我睇黑板清楚啲 佢竟然話「你人牛高馬大 坐咁前阻住啲比較矮嘅同學對其他同學構成不公平 wor 」 大佬呀！我三百幾度近視 坐最後嗰行點睇到黑板呀？ 最後我要蒙住對眼睇黑板 超吃力 😔 （但其實都睇唔到啲咩）唯有放學之後問同學瘋狂抄返 D 筆記 嚴重影響學習進度❎
5 有個教 ICT 嘅老師 根本自己嘅電腦知識都半桶水😔 有幾次我問佢關於編程嘅問題 佢都答錯哂（我之後上網搵番正確嘅答案）
其實以上我列舉嘅例子都只係冰山一角……我聽過好多唔同人講嘅事例 但嗰啲唔係我嘅親身經歷 就費事同大家分享啦 總之呢間學校嘅師資唔係大家想像中咁好啦
❎誤解2❎
「呢間學校啱啱重建完 應該好多新設施可以用啦」
冇錯！呢間學校的確起咗好多新設施…… 但大部分設施都係畀小學用 lor 😡
❎新圖書館唔用得❎
❎新禮堂唔用得❎
❎新特別活動室唔用得 真係要用嘅話 要中學的高層低聲下氣咁求小學嗰啲高層 先可以破例畀我哋用一兩次❎
❎新室內籃球場唔用得❎
總之基本上99%新設施中學都冇份用 兼且中學啲資源真係非常貧乏 簡單如書枱邊一個掛書包嘅勾都冇（小學部有）
❎唔解 3 ❎
「操場咁大 上體育堂正👍」
冇錯…..係真係一個好大嘅操場 但嗰個操場係畀小學用 麻煩你搞清楚 我哋中學去邊度上體育堂？ 方案一 ： 低聲下氣求小學俾一個特別活動室畀我哋打乒乓波 方案二： 走出街嘅體育館或運動場上 關於混亂嘅體育堂安排 麻煩大家參考返之前我師弟嘅post （NSS211218C)
以上嘅誤解只係冰山一角 其實大家對於我所就讀嘅學校都有好多誤解 下次有機會再同大家分享啦
今日想同大家帶出嘅訊息主要係……
1 呢間所謂嘅名校 其實喺資源 師資等方面都冇大家想像中咁好
2. 其實呢間學校小學部係值得讀（小妹都讀過） 但中學部就….. 大家自己諗啦
3 希望有意報讀呢間學校嘅人 可以慎重再考慮 審慎決定係咪真係要報呢間學校 記得「三思而後行」 其實好嘅學校有好多選擇 唔一定要報呢間 小妹知道呢間學校有好多人都係跨區來讀 但值唔值得？其實小妹讀完五年之後覺得一啲都唔值得 ❎
總括而言希望今次呢篇post可以帶畀大家一個全新嘅角度去認識呢間學校 亦希望準備報讀呢間學校嘅人可以再審慎考慮 同時希望校方正視以上問題 儘快懸崖勒馬 避免喺錯誤❎嘅道路上越走越遠 並作出適當嘅改善 為本校學生提供一個安全 優質 舒適嘅學習環境 好好培養呢班未來嘅社會棟樑 最後亦希望民 X 書院嘅學生可以幫忙轉發呢個post 形成適當嘅群眾壓力 逼使有關方面正視問題 共建一個更理想嘅民 X 書院
希望admin post THX