#NSS學校
[某港島中中官中] 是咁的 大約三年前走咗個體育科+訓導組老師
佢唔需要扮親切 唔會幫男女同學起花名 但佢記得晒每一個同學嘅名 因為佢真係理解晒咁多個同學 知道佢哋叻啲咩 唔叻啲咩 佢相信每個同學都有長處 所以佢唔會逼迫一啲唔叻體育嘅人 佢雖然係年資高嘅訓導主任 但佢有自己嘅一套教學方法 佢會教你將來喺社會點樣做人 上佢堂絕對唔係浪費時間
重點 佢唔會騷擾女同學 亦都唔會比女同學騷擾
朝早返學嗰陣 佢企喺大堂 唔需要佢開口 大家都會主動同佢打招呼 只要你個人睇落四四正正 一般佢都唔會點刁難你 除非你冇帶金屬校章
上體育堂 教男仔就係教男仔 可以揀自己鐘意嘅運動 例如喺舞蹈室出面 全程企喺度 同女朋友眉來眼去20分鐘
上體育堂 同校隊嗰啲堅係fd 有時落手落腳 玩埋一份
其實全校都好多人鐘意佢 特別係高form 個個都睇得出佢好真 對人好有心 嗰佢身上面學到好多嘢 吸收咗好多經驗 可能你會問 邊有可能做到？
其實好難 公務咁繁忙 其他老師未必做到 但佢真係會抽時間去了解每一個人 知你資質係點 知你缺點係咩 佢嘅體育堂唔係淨係教體育
所以決定匿名投稿 希望比同校同學知道曾經有一個咁嘅好老師 呢個學校嘅體育堂曾經都好歡樂 並唔係好似而家咁難頂 亦都想同嗰個老師講聲多謝
多謝你 阿sir
多謝你教識我哋什麼是體育
祝你退休愉快