#NSS社會
[GUEST] 標題: 點解可以咁唔知足 你知唔知好多人想要都冇得要
話說小弟出生於算係窮嘅家庭, 但係我唔係追求物質豐富嘅人, 自問好容易就滿足, 簡簡單單就可以, 好彩小弟入到一間好嘅中學, 入面啲同學大部份都係有錢仔, 咁我身邊嘅朋友都有幾個係好有錢(對我而言), 但係我想講, 佢哋真係唔識滿足, 明明自己可以日日洗錢, 住大屋, 有私家車, 可以課金, 食嘢唔使睇價錢, 想買ps5就買, 可以做啲正常人做唔到嘅事, 但係就成日抱怨點解自己冇乜嘢乜嘢, 永遠都唔識珍惜, 反而係覺得自己好慘, 你知唔知你擁有嘅嘢, 好多人都想要, 對比起其他人你已經係好幸福, 同埋我唔明點解個天可以咁唔公平, 窮人就努力向上, 但係往往受地位限制, 有錢人乜都唔使做, 冇努力過, 反而得到嘅比窮人多, 唔通有錢人真係大晒? 窮人又可以做啲咩先可以扭轉命運?