#NSS學校
[Guest] 點解成班friend討論嘅話題全部都係鹹濕嘢？事緣話說小學時我識咗三個死黨。我哋都係四個一齊直升返去同一間中學！而今年其中一位死黨分咗去另外一班自此尷尬嘅話題都成日出現。返咗去隔離班我一位死黨識咗一個friend如果個friend個腦係滿佈鹹濕嘢㗎。
之後我同我三個死黨同嗰一位friend熟咗。會成日約出嚟食飯但係佢哋次次出嚟食飯我想傾乜嘢話題都可以同嗰啲話題連起關係。唔知係咪因為我呢方面嘅知識比較淺薄佢哋同佢成日笑我唔明佢哋講緊嗰啲話題！（即係佢哋成日傾嗰啲鹹濕話題）之後嗰個分咗去隔離班嗰位死黨我識佢嗰陣佢係超單純完全對呢一方面係冇乜知識但自從佢識咗我friend之後佢個腦唔同晒學埋佢個friend成日講好多黃色野。每一次返到去呢一個朋友圈都會聽到佢哋講乜嘢話題都可以牽連到鹹濕嘢其實我真係好辛苦。
我開始懷疑自己係咪識錯朋友，正常嘅友誼唔應該日日都係傾呢啲嘢但係同佢地一齊仲會成日講到呢啲嘢！其實我返學真係想傾吓啲正常話題返去讀吓書嘅啫。而唔係比你哋喺度用呢一啲話題洗我腦。我一陣行開你哋又話我發脾氣，好啦我行返埋嚟你哋又喺度討論你哋嗰知識其實我依家年紀尚小你哋唔使成日灌輸呢啲知識俾我㗎。我唔明點解上咗中學有咁大變化。唔通我想融入你哋我又真係特登走去灌輸呢一方面嘅知識然後同你地傾偈。但係話晒有三個都係死黨我又唔捨得唔理佢哋話晒都係由細玩到大有感情。我唔明點解佢哋而家變返可以大聲咁。小學嘅時候我一句粗口都冇聽佢哋講過而家就滿口都係粗口再唔係就鹹濕嘢好似變左第二個人咁，不過有時佢哋都會變返正常返好似以前一樣，雖然話就話佢哋係滿口粗口但其實只不過係句子入面加啲少少粗口成份嘅字落去啫（好似有啲矛盾）不過重點並唔係喺粗口度而係佢哋日日喺度講鹹濕嘢。
請問可以去要點融入佢哋？
Sor for 1999
求admin post ig
圖Link: https://ibb.co/7bLKrKg