#NSS個人
[GUEST] 小弟男，十七歲，今年中六，二零二二年考DSE。小弟想大學讀動畫，但係因爲擔心自己DSE分數未達大學最低入學要求嘅「332233」，所以想喺E-APP報定電影嘅HD做保險先。
咁小弟之前就喺無同屋企人商量嘅情況下，自己開咗個E-APP帳戶，並向浸大提交咗「創意電影製作高級文憑 (專業範圍：編劇)」嘅申請。（順帶一提，小弟另外都報讀咗香港知專設計學院嘅「動畫及視覺特效高級文憑」同「電視電影及攝影高級文憑」）咁小弟二十號就收到咗浸大嘅電郵通知，要求小弟喺出年一月三號之前確認申請同交報名費HKD$300。當小弟尋日通知屋企人幫小弟交報名費時（小弟宜家並無做兼職，亦無儲錢習慣，所有零用錢都係問屋企人拿），屋企人就反對小弟宜家就報定HD，並明確表示唔會幫小弟交報名費。屋企人畀嘅原因係因爲一來宜家就報定咗HD嘅話就等於打定輸數，即係會產生「既然小弟都有HD讀，做乜事重要努力考上大學呢」嘅諗法，二來就係宜家HD嘅收生不足學額一半，所以肯定有位畀小弟讀，即使等到DSE放榜之後先至再根據成績報HD都未遲。
咁小弟宜家決定唔到應唔應該繼續說服屋企人幫小弟交報名費，定係聽屋企人話唔交報名費。所以小弟想問下各位浸大「創意電影製作高級文憑」嘅學生/畢業生近年嘅收生情況。問題如下：
一、 呢個programme（特別係編劇專業，下同）多唔多人報？即係話會唔會喺DSE放榜之前就已經滿咗額，再無位畀DSE放完榜之後先報？
二、 呢個programme喺DSE放完榜之後先報嘅話，競爭會唔會比經E-APP首輪申請報大？
三、 呢個programme經E-APP首輪申請報嘅話，個「有條件取錄」報所要求嘅分數會唔會比喺DSE放完榜之後先低？
四、 呢個programme經E-APP首輪申請報嘅話，面試題目係唔係比喺DSE放完榜之後先報嘅簡單？或者要求嘅面試分數係無係比喺DSE放完榜之後先報嘅低？
請多多指教，多謝。
二○二一年十二月二十二日星期三