#NSS愛情
[Guest ] 我同佢（簡稱V）F1嘅時候同班
由第一眼開始就鐘意V
之後我就展開熱烈嘅追求
追咗差唔多半年多到下學期考試嘅時候同V表白
V冇表明接受定拒絕
我就默認左拒絕
暑假嘅時候我都冇搵過V
到咗F2唔同班
到咗開學我以為自己放低咗
不久有一個同我好frd亦都同V好frd嘅男仔同我表白
同嗰個男仔曖昧咗兩個月
我以為自己已經早就放棄咗V
加上我啲frd叫我快啲接受嗰個男仔
我就懵懵懂懂咁同咗嗰個男仔一齊
喺嗰段時間發生左好多嘢
全部嘢都令我覺得我仲鐘意V
有一次我同V嘅兄弟傾計
傾傾吓傾到V
佢嗰兄弟就話V喺九月中嘅時候話過鐘意我
但係因為V以為我已經有男朋友
所以就冇去追我
我聽呢件事之後唔知點解好開心
我就確認咗我仲鐘意V
過咗一兩日嗰個男仔同我提咗分手
我仲打聽到V佢鐘意隔離班嘅一個女仔
佢嘅兄弟仲話V成日讚嗰個女仔
：靚女 身材好
佢嘅兄弟講V話我就係
：on9 醜樣 八婆 矮 身材唔好 惡
聖誕聯歡會嗰日我叫佢兄弟幫我比張聖誕咭比V
佢兄弟話V睇咗之後講咗兩句嘢
：可能係佢心入面嘅疤痕 我同佢冇可能㗎喇
收到之後即刻好傷心
嗰陣時喺出面已經冇心情繼續行街
呢幾日同佢兄弟一直傾
全部都係傾V
佢兄弟話V而家溝緊嗰個女仔
見V成日都話有女搵佢
見V而家上線多咗
雖然我阻止唔到啲乜嘢
但係我見住鐘意嘅人鐘意第二個女仔
心情真係好差好差
我唔知自己仲應唔應該重新去追佢
或者係扮自己已經唔鐘意佢
祝福佢同嗰個女仔早日一齊
佢兄弟叫我放棄佢
但係鐘意咗一年多嘅人點放到
仲要成日喺學校見到佢…