#NSS學業
[Guest] 我今年f2, 最近溫緊書準備3/1-18/1嘅考試，不過有個煩惱，就係我每次有信心嘅科，實際分數會低過預期，而冇信心嘅科，實際分數會高過預期，而且無論係上述邊一種，個差都幾大吓
由f1 ut開始已經係咁，啱啱上到中學梗係冇乜信心，點知成績科科都唔錯。f1 mid-year, 文科背晒啲嘢，覺得自己會高分，理科同L&S唔知點解冇乜信心，結果呢？文科全部5x-6x, IS maths L&S 9x, 真係同自己預期嘅差好遠。其他ut/考試就唔慢慢講啦，大家應該都冇咁多時間睇我啲成績點
我每次考之前一個月左右會定目標分數，溫完書目標分數當然會有變，而我入考場嘅信心當然係根據溫完書心目中嘅目標分數㗎啦，跟住第一段講嘅嘢就會發生喇
我都唔知呢個問題點解決，我有諗過會唔會係因為信心嘅影響自己會大意咗/小心咗，之後我就喺做有信心嘅科嘅卷嗰陣check多幾次卷，不過成績都係比預期低好多
真係幾頭痛，唔通我唔定目標，刻意唔比自己有信心咩？冇話定唔定目標，有冇信心嘅，無論點都好心入面總會有目標分數，總會有信心或者冇信心。我而家仲係初中，文理科都要讀，有兩邊唔同嘅嘢，每次總有啲科有信心，有啲科冇信心，不過到時揀到心水嘅科 (希望得啦)，正常嚟講科科都會有信心，咁我咪唔使旨意攞高分？
希望有人可以比啲意見我，因為今年真係有個目標好想做到 (講比大家聽啦，就係IS兩次ut+兩次考試都9x, 第一次ut已經攞到9x, 真係好想攞埋剩低3次
sor for 1999
admin pls post ig
(admin應該見過呢篇文，冇錯我唔係第一次嚟投呢篇，不過真係需要意見所以再嚟投過