#NSS家庭
[GUEST] （求admin儘快po，好急）
小妹今年中六，家中獨女。
係我好細個嗰陣，阿爸有食煙嘅習慣，阿媽都知，而且一直都非常反對。大概係我6歲嗰陣，佢地有次嘈得好勁，阿媽話阿爸再唔戒煙就離婚，自此之後就真係無再見阿爸食過。
但最近唔知係咪因為壓力太大，我發現阿爸又食返，而且阿媽係唔知嘅，咁我驚阿媽知道左真係會離婚（因為阿媽係個啲講得出做得到嘅人）就隱瞞左呢件事，但阿爸應該已經食左三個月又多。
直到今日，樓下話我地有人食煙彈左啲煙灰落佢地露台，我地呢層已經係最頂樓，除左我地（或者佢地）真係無人會整到啲煙灰落佢地個度。我真係好驚，雖然唔知係咪阿爸整嘅，但呢件事已經令阿媽起疑。我真係唔知點做好，係咪應該暗中提阿爸，定係繼續隱瞞當無事發生？我知呢件事終歸會有拆穿嘅一日，但呢刻真係好徬徨，完全唔知點做，求問一下各位有無啲咩解決方法🙏🏻sorry for 1999