#NSS個人
[Guest] 小妹今年中三 喺九龍讀緊一間band 1 嘅女校為‘’朋友‘’ 呢個問題煩咗好耐
首先 講返啲背景，小妹我本身係一個都幾鍾意講嘢嘅人 奈何自己性格內向 好彩中一中二都有d frd 中學生活都算開心 但係上到中三 班入邊一個識嘅人都冇 我開學之前已經開始驚 好驚分組冇人同我一組 淨返我一個好尷尬 好驚小息自己坐喺個位度 冇人陪我傾計 開學之後嗰啲嘢全部都發生左
咁我自己都有嘗試主動啲去搵frd 一開始都好好彩地群埋到一班人 嗰班人係由細frd到大 我埋到堆都已經好開心 初頭係冇乜嘢嘅 去到後尾玩多咗 佢哋係ig add 咗我做close frd 當時我真係好開心 但係過咗幾日 發現佢哋一個接着一個remove 咗我 嗰陣時已經好驚係咪自己做錯啲乜嘢令到佢哋嬲咗我 之後發現佢哋又add 翻 去到今個聖誕節假 佢哋又del 咗我 最後返學嗰幾日都好似有少少黑我面 因為自己小學嘅時候有試過俾人絕交 雖然而家諗起好少事 但係都有陰影
因為呢件事令到我其實冇心情去準備嚟緊一月嘅考試 溫溫吓書又會諗到呢件事 好驚1月返到學校佢哋全部都唔理我 自己性格唔係特別好 有陣時又會衰口多又或者玩得太過火 其實我自己知道自己呢個問題 但係我喺人哋面前就表現到自己好似好隨意冇所謂咁 但其實自己心底入邊都真係知道呢一個問題並且改善緊 我好驚係咪因為自己表面上表現到自己冇所謂緊令到人哋誤以為我好厚面皮
唔知係咪因為女校 成日都因為呢啲交際問題煩惱 如果自己成績好啲都想轉去一間男女校 女校真係好多小圈子 有時自己真係唔想理但係唔可以唔理
多謝你哋睇到呢度 想知道如果你遇到呢啲我咁嘅人或者遇到呢啲事你會點樣處理
唔該晒admin