#NSS愛情
[guest] 想知我男朋友係咪一舊木頭🪵😂點調教？
話說我同我男朋友year 2一齊咗都大半年，佢話佢自己A2，我無深究係真係假
Anyway翻正題，但A2嘅佢比我嘅感覺就係似A0，點可以拍咗兩次都會成日唔get女朋友講咩
最簡單嘅例子就係我平時嘅日子同黎m嘅日子會好大分別但佢都睇唔出我黎m，對我嫌三嫌四。我平時鍾意著淺色同白色短裙/褲，而黎m一定著深色，唔靚嘅裙/褲，仲鍾意帶外套，保溫杯出街。平時濃妝出街，黎m出街唔化妝，戴帽，coz又懶又攰。跟住我已經有時黑面比佢睇，佢好似唔識睇咁帶我去行山，跟住我平時鍾意打卡，佢之前都唔識主動幫我架，但佢嗰次話難得個景咁靚就幫我打卡，之後我話今日狀態唔好，你又影到我唔靚，唔洗影咁多啦，跟住佢直接話我平時著到鬼咁靚，今日著到咁柒又唔化妝關我咩事！我心諗你都無同我講今日行山……其實我好唔舒服都陪佢行，佢竟然唔知我咩事同埋話翻我轉頭
跟住仲有，我之前行街撞到個ex，跟住我同佢講撞到個唔熟嘅同學，不如去第二度行，跟住佢懶醒咁拉我去同個ex同佢女朋友一齊行，話行行下就會熟架啦，真係尷尬到…我心諗，就算你唔知佢係我個ex，你係咪應該都尊重下我呢？我話想去第二度當然有我嘅原因，可能我同佢唔熟又唔想同佢熟呢？你拉我去之前可唔可以問下我先？
仲有，佢之前帶我睇月老，佢見佢想去睇嗰場得翻啲單人位，佢唔係book下一場，佢係同我分開坐睇戲，佢話再遲驚我媽緊張，因為嗰場都已經7點幾，下場完咗都真係夜，我12點前要翻屋企
睇到依度，可能你地會叫我分手，但我唔捨得，因為我真係好鍾意佢，而佢都一定鍾意我，因為佢當時都追咗我好幾次我先應承。佢除左木頭之外其實都對我好，起碼佢終於記得我鍾意打卡且有行動，只係喺唔啱嘅時機做。佢都知我要12點前翻屋企，都尊重我，唔會完咗話好夜，跟住叫我上去佢屋企，但其實可以第日先睇戲。仲有佢知我無乜朋友，所以可能係咁，想我多啲朋友先諗住幫我，但真係唔洗。佢記得曬所有紀念日，雖然佢唔會買好貴嘅禮物，但12點就同我講xxx快樂，仲要送嘅禮物都係我需要or想要嘅嘢，上次我同佢講過我隻耳環唔見咗，佢就買翻對一模一樣嘅送比我做生日禮物，雖然只係59蚊嘅耳環，但因為佢記得我講過嘅嘢，我覺得份禮物特別珍貴。
但係！佢真係好木頭，我唔知點樣先可以調教佢成為一個正常嘅男朋友，有無人可以比下建議我？我又唔想直接同佢講，唔知點解有啲尷尬，好似佢準備驚喜比我但我唔領情咁款，所以先咁困惑
Admin求求你幫我po下啦🙈我係度祝你都有情人終成眷屬，早日出pool💜