#NSS愛情
[GUEST] 暗戀係唔係注定一個無happy ending嘅故事
幾年前, 我同佢係一次活動下認識到。
當時已經對佢有好感, 可惜再別前無勇氣問佢攞電話。
就咁樣失去咗聯絡。
直到2021年再見到佢, 今次我主動問佢攞咗ig。
其實我個句招呼, 係打咗成個鐘都唔敢send出去。
得到你嘅回覆個下真係好開心。
平時你身邊我都唔敢好似平時咁講嘢,
希望係你面前會保留住好好嘅形象。
有一次我情緒崩潰, 你叫我可以同你傾。
個一次係我毫無保留係你面前講心事。
而見到你嘅安慰好心動個下開始,
我就知我鍾意咗你。
雖然淨係相處咗半年都無,
我地嘅關係又當初無話可談, 去到日日都傾計。
你其實係一個好好心地嘅男仔,
見到你成日話自己無嘢叻, 無人鍾意,
我真係希望我可以直接同你講 我真係好鍾意你。
可惜呢句係我想像咗幾十次, 都仲未講到出口嘅一句話。
最近知道你有鍾意嘅人,
見到你好鍾意佢, 成日講起佢真係好傷心。
個日我喊得好勁, 我從來都無諗過會為一個男仔喊。
因為你係我第一個鍾意, 亦都係鍾意得好深嘅人。
我本來想2021 12 31號個一晚倒數嘅時候表白,
但我無咗當時主動問你ig嘅勇氣,
因為我知道你係唔會鍾意我,
擔心你當我只係一個普通朋友。
有啲故事係唔係注定未開始就結束,
我寧願只係做你嘅朋友, 起碼唔會有失去你嘅機會。