#NSS愛情
[東區某中學] 我最近開始留意咗個老師，佢好好人，我小息會去揾下佢喺邊度，當我見到佢，就會好開心，開心到上堂都諗住佢，喺個腦度不斷諗，真係開心到停唔到。
但係呢排見到佢戴咗一隻戒指，唔知係唔係嗰個意思，講真，真係好傷心。
當我知道佢生日，真係好開心，佢每個story 我都會影低留念，之後一睇就睇好耐，仲一路睇一路笑。
每次喺學校見到佢，都超興奮，如果嗰日佢仲同我講過嘢嘅話我就會寫日記，到而家就已經有好多日記係關於佢。
有一次見到佢喺我個story 度投票，我開心到喺屋企度尖叫。
前兩日，佢仲message 我，見到佢嘅訊息真係嚇親，但係都好開心，開心到我嗰日又寫咗日記。
唉！真係好想成日同佢message 呀！