#NSS愛情
[GUEST] 是咁的。小妹喺2020嘅十一月左右透過遊戲識咗佢，佢係個女仔。咁由嗰日都2021嘅二月十一號我哋一直都一齊玩。因為我自己係bi，所以我都有ff過我同佢，不過都唔係好確定自己嘅心意，亦都冇諗太多。
到咗2021嘅二月十二號，當時我哋好似平時咁開玩笑，然後佢突然同我講可摸以做佢女朋友，我都應承咗。之後我同佢都因為一d好少嘅事有唔少爭執，但係佢之後當我係小說男主咁，佢俾我嘅感覺就係佢可以有朋友，我唔可以，然後我自己都有錯，唔知點算好就冷暴力，之後就分咗。
之後佢搵我復合，我應承咗。但其實佢當時已經有第二個，佢冇同講，我發現咗，咁又好自然地分咗。
佢再搵我復合，我又應承咗。呢度我承認我自己都傻傻地，佢堅持咗半個月，我自己耳仔軟，心又軟。佢改咗好多，冇再無理取鬧，真係好好，但今次係我唔啱。我自己份人會諗好多，又唔咁同佢講，然後冷暴力，又分咗。
之後我搵佢復合，佢應承咗。我自己突然諗起，佢屋企嗰邊支持同性戀，但我嗰邊唔支持。如果一齊咗並俾人發現咗，佢喺我屋企嗰邊會好辛苦。我唔知自己可摸以好似《某某》入面嘅江添咁，面對一切，亦都唔知可摸以好似嗰d he嘅同性戀小說咁，唔理會他人嘅目光喺埋一齊，我好驚屋企人嗰邊。我同咗佢講，但係我控制唔到自己，越諗越多，最後又分咗。
我知道自己仲好鍾意佢，我唔知點算好，所以黎投稿。sorry for 1999
圖Link: https://ibb.co/F3PdB7q https://ibb.co/pvjBx9m https://ibb.co/wWM390m