#NSS愛情
[GUEST ［我知我真係好細膽］] 小妹係一個Bi，咁啱我鍾意嗰個人係個女仔，自從有一日約到佢，就同佢開始變frd，我係一個算大膽嘅人，但係對住啲機動遊戲我就瞬間變得渺小，而佢就好鍾意玩，咁我梗係頂硬上陪佢玩㗎啦。
返翻去去玩機動遊戲之前嗰幾個禮拜先，我發現我開始鍾意佢嘅時候，我就開始收集佢嘅相，喺同佢相處嘅時候，我好盡量攞部手機出嚟影低屬於我地兩個嘅一點一滴，我無時無刻都好掛住佢，仲成日幻想同佢嘅將來添。
我知道就憑我嘅長相，同埋性別，已經輸左，我嘅朋友都勸過我放棄，其實鍾意一個人唔一定要擁有佢，佢開心我就開心，識佢之前以為佢好正經，但係我發現玩落，佢都有癲嘅一面，佢唔多朋友，我知道出面好多壓力，所以我希望佢可以係我面前做返個小朋友，冇任何束縛，放鬆下自己，係開心嘅，咁就夠。
不過，唔知點解，佢呢排都唔係幾理我…敷衍我…我都唔知咩事，我又唔敢問。
雖然我識左佢一年都唔夠，但係佢係我心裡面真係好重要，我好驚冇左佢，我好想喺佢身邊保護佢，令佢開心。我可以為佢做任何野，我個人平時都唔識點樣同人表達我嘅感受，但係呢幾晚，一諗起佢我就係度喊，我知道喊係解決唔到問題，但係我真係頂唔順。所以我決定寫呢篇長文。
最後，我想講…我真係好鍾意你啊！
sorry for 1999