#NSS個人
[Guest] 小妹近排有個煩惱希望大家解答下:'(
［A係女仔］
［喺對話入面我用「」表示,A用“ ”表示］
我同A係喺小學二年級識嘅,識到而家都差唔多10年,
升到中學大家都讀咗唔同嘅學校,但仍然keep住有聯絡同約去街。
因為最近疫情少咗出街所以我哋得閒都會傾下電話,而件事大概係由我同我frd A講咗我係bi開始
嗰日傾電話,講起LGBT嘅話題
佢問我“如果有個女仔同你表白咁點算?”
我半講笑咁話「如果我對對方有好感而佢又鍾意我咁試下一齊都可以呀」
佢沉默咗一陣之後話“..乜你原來鍾意女仔?”
我答「我其實覺得性別冇乜所謂,最緊要係自己鍾意,如果非要用一個標籤去標籤自己,咁我應該係bi」
“哦..咁我應該都係bi”
然而.自此之後唔知係咪錯覺,佢..好似暗示緊我?
e.g.有一次call嘅時候
佢突然間話“好想要男or女朋友啊..只要唔驚曱甴識打昆蟲就做得,你要唔要試下”
我講笑咁話「雖然我係唔驚但點解要答你,有冇人工㗎😕」
佢邊笑邊答“bf gf邊有人工㗎,一做就成世係我嘅免費勞工嚟㗎喇,但友情價畀翻啲報酬你又點話”
「咩報酬 錢?」 “梗係我呢個經過每日運動訓練出嚟嘅完美body啦”
我整咗啲類似嘔嘅聲去回答佢
「🤮咪搞我啦大佬」
佢似乎唔係咁開心
“喂喂你咁咩意思,寧願要錢真係唔識貨”
“好!決定咗喇如果畢業之後大家都仲係單身咁就一齊啦”
「好,我會加油出pool嘅」
e.g. 2 之前Christmas holiday去咗佢屋企唸住想佢教下我作文,交流下唔同學校啲卷嘅問題
傾完之後我哋就諗住做下假期功課,唔識就互問,而喺做功課嘅其間,好似感受到有視線
有人一直望住我,係A,一開始我都冇理繼續做,但佢真係望咗好耐
所以就抬頭講「望夠未,再望收錢㗎喇」
“欸哈..哈哈sorry囉 幾錢？”
我以為佢講笑
「我知我好靚女,所以被我迷住咗呀呢😏」
「1分鐘10蚊,你望咗10分鐘左右,承惠$100唔該」「友情優惠送多你3分鐘」
但冇諗過佢真係畀咗。佢喺銀包攞咗張一百蚊出嚟
「ん..あ..認真㗎😧」
而之後我發現佢開始頻密咁打畀我想同我傾計
講佢有關學校嘅所有事
由一個月七次左右到一日二至三call
又成日送啲小禮物畀我
呢啲行為令我覺得..唔通佢鍾意我?
定只係我嘅錯覺,我唔知所以想請大家解答下,thx
第一次投稿Sorry for 1999
Admin po ig plz🙏🏻