#NSS家庭
[Guest] 屋企有個細佬小學五年班 成日打機(pubg個啲game) 打足成日唔停 咁都算 佢打機仲要勁大聲咁同隊友講嘢 大聲到我係房入面冇開門都聽到一清二楚 聽到好煩好燥 佢唔係屋企個時 我耳邊都不斷有佢啲打機叫聲 好嘈 我唔知係心理作用定點..阿爸阿媽有同佢講過好多道理 叫佢唔好打咁多機 佢會反駁阿爸阿媽 仲會用指甲刮阿爸阿媽 每次見到咁 我都好唔開心..佢成日都會搵啲嘢話我 成日話我坐住佢部iPad/電話 但我冇 又話我小學雞 叫我收皮 話唔想聽狗講嘢(佢意思講緊我係狗 話我係畜生 佢嚟嚟去去淨係識講呢啲 唔知佢pubg識埋啲咩人 學埋啲粗口..佢成日打俾阿爸話唔想去補習社 如果阿爸要佢去 佢就會發脾氣鬧阿爸..佢成日叫阿媽幫佢撩耳屎 阿媽得閒個時幫細佬 細佬打緊機又話唔撩 到阿媽唔得閒 唔幫佢 佢就鬧阿媽係垃圾..對住呢個細佬真係好攰好無力 全家氹過又鬧過 佢都係咁 打機又唔叻 讀書又唔叻 阿爸阿媽都係咁錫佢..細佬踢我打我踩我已經係家常便飯 佢係五年班 唔係五歲 我一個女仔俾佢咁打咁踢 我都好痛㗎 阿爸見過好多次 佢都冇話過細佬有錯 明明我乜都冇做過..sorry for1999