#NSS個人
[冇/] ［有少少長/可能有寫錯嘅地方 致歉🙇🏻♀️］
我今年15，講返小小背景先，家庭唔算有錢但我覺得都ok。我有讀讀寫障礙，中一嘅時候先發現。因為小學成績唔錯一直都冇為意，直到中學上咗band1，啲嘢搞唔掂，今年要留級繼續讀中二，而家轉咗去一間band3學校。
由20年開始一直有情緒低落嘅問題，我冇care，因為我一直自問係一個樂觀開郎嘅人，所以忽視嚟份唔開心，到上年10月，問題到咗我冇得唔重視嘅地步。我知自己大既係咩事，但唔敢開口對父母講，我驚講完之後得唔想要嘅結果。開始請假，父母一開始並我咩事(因為我隻字不提)，佢哋會責怪我，甚至同阿爸成個月都冇講過嘢。最后請咗兩個禮拜假，11月頭開始返學，返咗一個禮拜，真心唔掂，所以又開始請假、返學、住院不斷重複。
到12月直頭成個月冇返學，中途試過唔只一次自殺(！大家珍惜生命！)，但冇成功，被學校社工帶咗去住院，仲要差啲入埋葵涌醫院。今個月本來嚟念住去讀VTC，但結果第一日已經情緒失控，放棄咗，而學校個邊處於休學狀態。
父母、社工、fid都話有事可以同佢哋講，但係我做唔到，我唔鍾意將負面情緒帶俾人。10月開始一直有睇精神科，排期排到23年。我唔想睇私家，因為慳貴，而且我覺得呢一筆錢用喺我身上好曬。幻聽失眠等各種問題已經嚴重影響我嘅生常生活，每日都會諗死咗係咪唯一的解脫。
唔係想扮可憐，而係真心想知道可以點算，我真係唔知點好。