#NSS社會
[TWGSS] To XXX 靚仔靚女投稿站 唔該唔好再舉辦你地所謂既選美大賽la！
（小弟第一次投稿 再加上母語唔係中文 so sorry for 1999）
小弟以前唔係經常用IG 但係最近我成日見到一D account 畀人投稿一D所謂 “靚仔靚女” 既相 and account（aka 靚仔靚女投稿站）
不過我越睇得多 就越覺得呢D account 好多都係同樣既admin 連 名 簡介 格式都基本上係一模一樣
唔只咁樣 我唸左一下 其實認真呢D 投稿站帶來既壞處比好處多幾倍
我先落兩個問題畀大家： 你地有無念過建立投稿站對帳號主人來講係咩目的？對帳號主人同埋依家睇緊呢篇文既你又有咩好處？
跟風呢個道理我明你明大家都明 一開始可能只係D MK仔囉來玩下 跟住就越來越多人想要followers 就越來越多想試下試下 咪越來越呢D account lor
但其實仔細唸下 究竟靚仔靚女投稿站係一種畀人消磨時間既地方 定係不停打擊你自信心既loop？
咩叫打擊自信心？我先介紹一下佢地既選美大賽係點運作的
首先佢地會出一個story 你就要DM佢地 並send 佢地一張相 佢地就會聯絡你（具體點樣同你講野我唔清楚 因為我無玩開）
唔到一日佢地就會post story ga la 視乎人數，首先會1v1 跟住到 32 強 16 強 8 強 4 強等等
投票係由其他網民投 唔參加都可以投
如果你觀察仔細D 你就會發現大部分進8強4強既都唔露面 甚至有D 淨係send 自己條腿個胸都有人贏
你可能唸 咁樣有咩問題？
咁樣咪岩岩好鼓勵果D MK 行為咯
如果你係選美比賽贏左 你一定可能對你自己個樣好大自信 會開始慢慢貶低別人抬高自己
如果你既票數唔夠人D 多 你一定會好自卑 覺得自己好樣衰 唔敢見人
同埋其實靚唔靚係好主觀既野 唔係可以畀其他人公審既 靚都有外在美同內在美 贏左又點 輸左又點？你真係以為post 一張靚仔相就可以被富婆包養？呢度唔係香港小姐ar
無論係邊個角度睇 都係負面比正面影響多 所以我係呢度忠告大家
唔好再promote 或投票 呢d 選美比賽同投稿站 本身個idea 係好既 但影響卻真係唔好
（純粹有感而發 唔介意反駁）