#NSS個人
[GUEST] 介紹翻背景先
小妹今年中五
學業成績唔係好好 而且一月份係考試週所以就不斷溫書啦
搞到呢排個人黑眼圈好重 月經都好似失調遲左兩個星期都未黎 壓力成日都好大 會成日無啦啦喊
最近玩細佬都要考試 但我屋企人都唔識英文 所以我細佬嘅英文課業都係我黎輔導
.
我細佬都係啲唔鍾意讀書，有輕微自閉症嘅人黎
佢宜家初小 但英文冇一次合格過 我每次同佢溫書佢都好唔認真 然後教完要佢做題目佢又唔識咁（應該係我教學方式有問題）
而最近我又係考試週 要overall 中四嘅野一齊考 所以聖誕假開始冇耐就開始溫書 日日都凌晨兩點幾先訓 睡眠不足咁
可能因為咁我對待細佬都有啲躁底 都唔想佢再唔合格落去
但佢係考英文前一日係咁係度玩輕黏土 我叫左佢幾次執嘢溫書佢死都唔肯聽 然後我見到成檯黏土加上癡住咗幾本書我就開始躁
鬧左佢幾句然後就開始幫佢執嘢 唔小心將佢啲輕黏土撈埋左一齊🥲（個陣真係火遮眼冇即刻處理
然後佢就好唔開心 將自己困入房間喊 喊到好勁
我頂唔順入左佢間房想問佢咩事安慰佢咁啦
我同我細佬關係都唔差 但佢今次好出乎我意料咁推開我，喊住叫我走開鎖埋門
我好錯愕 佢起碼好淒涼咁喊左二十分鐘 我突然好後悔 瞬間反省自己有咩問題
可能我太過感性啦 見到佢喊到咁我溫書個陣都一路背一路喊 係咁喊住講對唔住 好內疚
宜家過左一日我細佬都唔理我 連我想同佢講sorry 嘅機會都唔比我
所以想各位比啲意見😖😖我可以點做先可以修復翻個關係？我可以點輔導小朋友功課（本身都唔係一個討厭小朋友的人黎）
同埋點先可以控制好自己啲脾氣，舒緩一下壓力？