#NSS社會
[黃大仙女校] NSS
[re#NSS220111D]
見依篇文好似嘈得幾勁所以想講少少嘢。
小妹今年form 4，唔會話自己黃絲，唔係話支持政府定咩，只係覺得稱為黃屍真係好嘔心。
首先，係我眼中黃藍從來唔可以叫做政見，只能稱為政治光譜。舉個例。大眾眼中可能何君堯同田北辰都係同一類人，會稱佢哋做「藍」，但係事實上佢哋2個嘅立場都相差唔少，一個激進建制一個溫和偏中間建制派，將佢哋放埋一齊感覺會有d夾硬嚟。舉多個例，周庭、鄺俊宇、你哋會唔會都話佢哋係「黃」？前者本土派（even 本土派都有分城邦、獨派、自決派甚至歸英派某程度都可以叫本土，而周庭所屬嘅眾志係自決派），後者唔使講，民主黨從來唔係同路人，雖然話要係政壇發圍，有靠山的確好重要，而民主黨的確係一個唔錯嘅輩山，而佢612的確都付出唔少。但，由佢20年接受中共任命，做多一年議員後，佢從來都唔再係同路人。而佢嘅輩山更加唔使講，可以睇下佢哋website 基本信念嘅第一句：「香港是中國不可分割的一部分，我們支持香港回歸中國。」
話民主黨依d傳統泛民要同本土派係同一類人，成件事根本打橫嚟講。
所以我從來反對淨係用黃藍嚟區分一個人嘅政治立場。
第二，關於「失去立場」、「無立埸」、「邊邊都唔幫」、「政治關我咩事」依類comments 。
首先講咗「政治唔關我事」嘅依類人先，的確細個真係會覺得政治同自己無關，但係其實生活上所有嘢都關政治事，依2年講得最多嘅「防疫」為例就係最好嘅example ，可惜香港人經歷2年仍然唔明可謂瘟疫政治，只會一味聽從政府指揮，去打針、去scan 果個qr code、去停自己嘅社交活動，但好撚諷刺嘅係，依班人仍然會稱自己做「黃絲」，不過防疫大過天咁解，不過依種人等陣再講。
講返話「政治唔關我事」嘅人，想同你哋講的確政治係好煩，但係政治的確係形成社會嘅一個大因素，所以有人嘅地方就會有政治嘅出現，好難話有得避。唔係要求你哋做d咩，不過開始睇下新聞，知多d社會發生咩事，好無？
而話「失去立場」嘅樓主，你唔係「失去」，而係你係根本唔知，亦都無諗住知自己立場，同聲稱自己「無立場」嘅人一樣，無諗住了解任何立場，只要自己有得吃喝玩樂，外面世界係點完全與自己無關。
至於話「邊邊都唔幫」嘅人同聲稱「無立場」嘅人類似，唔同再依種人會嘗試了解唔同立場嘅睇法。可惜，我會話佢哋睇得唔夠深入，無完全了解，或者只係跟住政府/大眾媒體嘅風向，唔知獨立思考嘅重要性。
第三，關於自稱「黃絲」嘅豬豬們。
身邊有唔少同學2019年會聲稱自己「黃」，會嗌口號會唱歌會食黃店會去遊行打卡，但係除此之外就咩都唔識，而依種人有一部分到依家2022年已經完全回歸到上面講「政治唔關我事」嘅狀態，有部分就會繼續所謂嘅抗爭，即係食黃店，甚至追星，留意返藝人黃藍與抗爭完全無關，所以即時mirror 係黃都唔關我哋事，何況佢哋無（即使姜濤講過香港加油都唔代表咩，依4隻字有好多含義），而viutv 更加係under pccw which is 騰訊持有20%股權，可以唔使因為佢係tvb對家而盲目認定佢為「黃」。最近梁天琦差唔多放監，聽到有豬豬話要摺放學，其實佢出嚟關你哋咩事？當初又唔係幫手打，依家又無諗住反抗，佢出嚟關你哋咩事先，可以試下唔好習慣借人哋隻手做d自己唔敢做嘅嘢。如果你哋認為食下黃店追下星就係抗爭，可以得到民主，你哋依世都唔配有，係唔撚配有。
（知道一定有豬主話我係分化撚係熱狗，不過我打得出嚟預咗比你哋屌，都唔期望你哋會因為睇完而有咩改變，睇到嚟依度我已經開心了，鍾意點屌你哋鍾意吧。）
「我已經有愛人，香港無我嘅事」
完。