#NSS愛情
[gust] 友達以上戀人未滿，我好想同妳一齊又好驚會冇左妳
記得第一次見到妳，我覺得妳好麻煩淨係識得同老師打小報告，之後玩落去覺得妳好粗魯，好似個男仔咁，然後不知不覺間已經識左妳12年。
妳完全唔系我鍾意嘅類型，但係當我發現我鍾意妳嗰刻，我先後悔點解我錯過左妳咁耐。但系我知道青梅竹馬拍拖系一件好難嘅事，所以我冇勇氣同妳表白。我好驚妳只係當我係妳呀哥，當妳知道我鍾意妳嗰刻妳就會疏遠我，我好驚因為咁而冇咗妳呢個朋友。但係妳做嘅每一樣野都會令我產生妳會唔會都鍾意我嘅錯覺，妳會係我唔開心嘅時候安慰我抱住我，係妳需要我嘅時候又會無條件咁信任我，每日夜晚都會同我去公園散步傾心事，妳做嘅每樣野都會牽動到我嘅心，我唔想再用呀哥嘅身份陪妳，我好想下次送妳到門口嘅時候可以同伯母講放心交妳個女比我。我會想趕走妳身邊所有男仔，想佔有妳嘅每一日，知道妳所有野，但係我好驚自己會傷害妳，比唔到妳一直期待嘅幸福妳。
下年就要考DSE ，我知妳下年就要去台大讀Art，如果我宜家唔表白就唔會再有機會。如果妳見到呢個post,妳可以繼續扮唔知，但係我真係好想同妳講
孫小姐
我鍾意妳，可唔可以做我女朋友