#NSS個人
[香港某中學] 就係咁嘅,小妹啱啱升中三嗰陣時識咗一個外來生,一開始都玩得幾埋(同我原本嘅朋友三個一齊)。但係唔知點解,後來佢就同我原本嗰個朋友玩得好埋(只係佢單方面)又成日都唔理我,成日淨係同佢傾偈,好多時連message都已讀不回。有一次我哋三個坐埋一齊上堂,佢就淨係理我原本嗰個朋友,好似完全唔識我咁,我問佢嘢又唔答。後尾我都有主動同佢傾,問佢發生咩事,做咩要咁樣唔理我。佢就話:好似你原本嗰個朋友唔係咁鍾意你,其實我都好想keep呢段友誼,我之後會注意啲。我就覺得好怪,點解原本同我一齊玩嗰個朋友會唔鍾意我?所以我又問咗原本同我玩嗰個朋友,佢就話冇咁嘅事,唔知點解佢會咁講。佢都話俾我聽,佢最近都見到嗰個外來生好似專登唔理我咁。後尾我就好快唔記得呢件事,因為國外來生都話會改善。但係過咗兩日之後,又變返一開始咁, 嗰個外來生成日都淨係同我原本個朋友傾偈。於是我就搵咗我原本個朋友傾,佢就建議我哋唔好理佢一陣,睇吓會唔會好啲。但係自從我哋唔理佢之後,佢哋做埋啲好奇怪嘅事,例如:成日跟住我哋,抄我哋用嘅嘢同埋做嘅嘢?其實我同我原本個朋友都唔係專登欺凌佢,我哋原本都幾鍾意佢,但係見佢做埋啲咁嘅事(專登唔理人,挑撥離間)就開始對佢有啲反感。我哋應該點做?thx😅😅
sorry for 1999
admin pls post🙇🏻♀️🙇🏻♀️