#NSS愛情
[Guess] 我都幾肯定我鍾意咗自己個補習老師🍭
介紹下自己先 小妹16歲 依家喺一間沙田嘅補習社補習 個性非常乖 係讀書差啲🥲
8月嘅時候開始跟一個阿sir補英文 唔知可唔可以話佢靚仔 但都算好眉好貌 眉骨好高 唔係肥但係高同大隻 唔算係後生嘅阿sir 大概20幾歲尾至30歲頭 同埋都幾惡吓
我第一堂就因為唔記得溫默書辣㷫咗佢 畀佢留堂留咗一個鐘 但係佢冇鬧我 🤓後來我發現佢對我同其他人唔同 例如指定我要坐佢前面嗰個位 同埋特別關注我嘅進度 可能大家會話我進度畀其他人落後佢先至會咁（雖然我進度差係事實🌚) 但仲有其他嘅~
仲有阿sir唔係啲唔會鬧女仔嘅男老師 男女都會照鬧 男同學更加會畀佢鬧到淋狗屎咁🐶 但我就唔會 有時我走神 個腦飛咗去墨西哥 或者係做卷做錯好多題 佢都唔會鬧我 可能會笑下我咁 又會八卦下我屋企嘅嘢 同我講笑 有時仲會上上吓堂 仲會走過嚟摸我個頭😳佢同我講嘢嘅時候會特別溫柔 係同其他同學講嘢嗰陣唔會聽到嘅語氣🤣 (講講吓好掛住佢🍭)
可能就係因為佢對其他人好惡我又好溫柔嘅反差 令到我鍾意佢 呢幾日更加係成日諗住佢 搞到溫唔到書
但我並唔諗住做啲乜嘢（亦都可以話做唔到)始終我同佢嘅年紀相距大 佢亦都係我嘅老師 我同佢冇可能有任何發展機會🤣 我亦都唔想 更加唔在乎佢鍾唔鍾意我 我諗佢只係因為我比較乖 所以先特別照顧我
不過我希望我大個咗之後 可以見番佢 做個朋友都好呀
唉 原來鍾意一個人係咁嘅~有時都覺得幾煩🌚 不過….都幾特別 我第一個暗戀嘅對象竟然係自己嘅補習老師 🤓有時我會諗如果我比依家大多幾歲 我嘅身份亦都唔係佢嘅學生 我一定會去追佢🙈💗
好希望用呢一個post嚟記錄低自己16歲一段咁特別嘅回憶 大個女睇番應該會笑到卡卡聲
希望大家留啲comment 同我講下嘢 因為呢係件事我一定唔會同其他人講 埋藏喺心裏面好攰