#NSS學校
[guest] 好長，sorry…
即係咁，小弟有啲嘢想問下大家意見。
我意外得罪咗一個老師，嗰個老師喺學校教咗好耐，學生起碼有一半都幾鍾意呢個老師，佢亦都係好強權嘅人，唔跟佢嗰套一定搞你。
事源就係一次分組活動，朋友都有自己嘅小組，但係我就知道佢哋係唔係太認真，所以我就冇加入。但係個老師就係都逼我同其他人一組啦😂 之後我就作大話咩同全班都好唔啱呀之類嗰啲，佢係信，但係之後就講咗一句令我唔係好認同嘅說話：「依家唔係要跟你嗰套係要跟我嗰套！出到嚟社會仲有得畀你揀啦？ 依家個遊戲規則係我定嘅，我話之你仲人啱唔啱，合作又唔係叫你做乜，我同其他老師都鬧交啦咪一樣係一齊合作！亅
呢一句嘢睇落好似好有意思係咪？唔緊要我同大家分拆開先。 首先佢一開頭嘅三分之一我係認同嘅， 但係隨後嗰一句「我話知你同人哋啱唔啱呀總言之合作又唔係叫你做乜」有冇諗過學生隨時可能喺合作入面會有啲咩唔開心，有啲咩爭執然後有啲更加大件事嘅出現？第二件事就係話佢同老師鬧交都係照樣合作，佢同嗰一位老師係好熟嘅，先唔講炒嘅可能性，佢呢一份工作係一定需要同老師合作，我個分組活動嘅隊員係唔做嘢得我一個人做，所以我先至睇出一個人做嘅要求，佢拒絕我都冇嘢好講啦，可見其實我份人係均真嘅。
當日嘅第二件事， 有一個同學就喺度話我一定要聽老師講，不停覆述個老師講嘅嘢啦， 我就問咗佢一句關你咩事？ 老師就發難鬧我？😂
喺呢一度我就唔明喇，如果話喺度大聲講嘢嘅話，ok咪鬧囉，我認我做錯。但係佢淨係話我就唔講另外一個同學，理由係佢關心緊我！？
話曬佢係老師，我畀專重佢，落堂再同佢理論。
當日嘅第三件事就開始離譜！我同佢解釋返成件事到底係點樣，同埋我係點解要反駁佢， 佢講咗一句令我極度憤怒嘅嘢。「 我就梗係知道嗰一個同學咁樣講你會不滿啦，但係你唔理佢咪得囉， 你淨係識得喺度製造麻煩， 你上我嘅堂就唔好再講嘢！亅我聽到咁wtf嘅嘢就梗係繼續問啦😂 但係之後佢就叫我快啲走唔好煩！？
ok fine, 之後落嚟嘅功課佢都冇針對我，好均真咁樣改。 但係再下一次有佢嘅課堂就典定咗我一定要同佢鬥落去嘅根基。
因為坐後面嘅同學有事唔上嗰一堂同埋都同意我借佢個位嚟用，我就坐佢個位同埋後面嘅朋友傾計啦。之後，明明都中三仲要舉報我私自調位嘅同學就同老師講我私自調位， 嗰個老師話我我都覺得冇乜所謂啦反正真係我錯😅 但係及後嘅事情真係令人髮指……
有一個同學因為幫老師讀一篇100字唔夠嘅文就可以加整體成績一分，一係頗為著重成績嘅我都打算讀啦！ 但係個老師就話本來我就一定要扣你分啦你咁樣玩嘢😂但係你肯幫我讀嘅話我咪唔扣囉，聽落好似冇問題，諗深一層佢個加分扣分都好有問題啦！ 讀一篇嘢就可以加整體分數一分，我做以上行為就要扣我分， 隔離四個人圍埋一齊又拍枱又掟嘢就見到都視若無睹，公平？？
之後落嚟嘅兩件事更為令人髮指！佢喺度講書嘅時候就無啦啦攞我嚟做例子，「呢一啲行為咪似足嗰一位同學囉😏」wtf？識唔識尊重😂 再者，就嚟落堂嘅時候佢同我講嗰一科係要考試，講完之後就補一句「咁樣嗰位同學咪唔使再同人合作囉好開心啦而家係咪呀？😏」
既然佢依家係要玩嘢嘅話咁樣我都避無可避啦，我唔否認當中呢兩日我都係有做唔啱嘅地方，但係相對班老師嘅嗰一啲行為真係為咗教導我？惡意趣味係咪真係一個老師應該對學生嘅尊重？ 我冇刻意醜化老師，亦都冇刻意正確化自己。
我承認佢雖然係鍾意玩嘢，但係喺學業方面真係唔會為咗搞我就亂咁改我啲功課，我亦都認自己係兩件事上面係有做錯，但係基於嗰一個老師行為實在太過火，不得不同佢對壘，所以想睇下大家嘅意見，睇下有冇咩方法可以畀我明哲保身，或者可以同佢鬥落去。
sorry for 1999
希望admin可以show稿🙏🙏