#NSS家庭
[Guest ] 小妹07,讀緊一間band 1頭嘅名校,屋企人一直俾好大壓力我。
話說琴日我有好多功課要交同埋要補習,咁阿爸阿媽都出咗去做嘢,我就喺屋企補完習之後做功課做到好夜,自己搞掂三餐,幫手洗碗同摺衫,但係阿媽十點鐘返到屋企開始就不停鬧我,話我冇拖地同洗衫,咁我嗰陣喺廁所刷緊牙,佢順手入廁所就攞起衣架,用衣架指住我心口話問我點解唔拖地同洗衫,跟住係用衣架篤住我心口,咁我就同佢解釋話今日要補習,同埋好多功課要交,所以未做,咁我而家做返,跟住佢無啦啦用衣架打咗我幾下,咁我下意識咁用雙手擋住自己,跟住佢講咗句:你夠膽還手？ 跟住又繼續打,話多功課係學生應該要做嘅,唔係我唔做家務嘅藉口(平時屋企家務全部都係我做）我心諗我只係今日冇拖地同埋洗衫 ,就俾人用衣架打到咁… 跟住佢又話我啲成績開始下跌,再唔俾心機讀書遲啲就要執垃圾,但係我心諗我喺一間名校考全級二十幾叫冇用？佢跟住又爆曬粗咁鬧我話做家務係我應份,學生點會有壓力,考得好又係我應該,鬧到我一文不值咁,跟住攞住支衣架篤我心口,跟住又打咗我幾巴掌,結果我喺廁所俾佢打咗一個幾鐘,直至我阿爸買完宵夜返嚟屋企。
其實之前都試過好多次,因為一啲好細嘅事,就比阿媽打/趕出門口,我一直都唔夠膽同佢講我好大壓力,因為如果一講,佢又會覺得我喺度抱怨,跟住又開始打人,我都有同我阿爸傾過,因為我阿爸都覺得阿媽成日都發神經,(因為我之前試過半夜三間俾人趕出門口）我阿媽一有佢唔鍾意嘅嘢/佢好攰,就會攞我嚟發洩,所以我成日都好驚得罪我阿媽。
我有嘗試同啲朋友傾過,發現其實啲朋友嘅阿媽都好好,唔會因為咁小事就喺度打人,建議我阿媽去睇醫生,想問吓大家會唔會有啲咩建議🥲其實長期咁樣令到我真係好攰、好大壓力。求盡快post ig, thx! 可能會有錯字/199🥲🙏🏻