#NSS個人
[GUEST ] 母親大人
你成日都話我哩樣唔好嗰樣唔好
但係你可唔可以自己反省下自己
你會話唉呀我地有朋友你冇窩？
大佬咁我唔好采身邊啲人都係toxic 嘅我都冇計
我係好嘈，污糟，懶，chur 住嗮，講嘢唔經好容易得罪人，尷尬
所以我會盡力表達對人嘅善意，不停咁講sorry，盡力控制自己
–
咁你呢。母親大人
暴躁狂，成日鬧人
你嘅解釋係你冇做錯我點會鬧你
對唔住你就係好鐘意冇理由咁鬧我同阿妹
只要心情差就發爛渣
唔會道歉
我口才冇你好，拗唔過你
你只要心情一唔好就會當我係出氣筒，我做所有嘢都窒住晒串串貢，無論做乜嘢都係錯嘅
你話
我對人哋都係咁樣㗎啦，你唔好咁樣咁玻璃心啦
但係你知唔知你知唔知你嗰種串嘅程度對我同對住其他人對住亞妹係完全兩回事
指住個吸塵機話嗰個係我，我講話我覺得有冇冒犯到嘅時候，你同阿妹仲要係覺得好好笑咁不停喺度笑，冇講過對唔住
–
我承認你好嘅時候係好好
會滿足我想要嘅嘢
你非常理智，會同我講話有乜嘢做得唔好可以更加改進
好錫我同阿妹
經常抽時間去陪我哋組我哋做嘅嘢
但係成日係人哋面前講話我點樣唔好點樣好
話我從來都付出過，唔識感恩
但係你地從來係唔會去欣賞我嘅付出
出去打工做嘢，有員工餐我自己唔食lunch，等我放工嘅時候用來攞你鍾意食嘅嘢俾你食
平時做開大小姐嘅我，來到英國或多或少都會做家務
永遠覺得係我應該做嘅嘢
喺香港話我讀書懶要你晒心機咁鬧我
為咗爭氣，我我對於讀書嘅態度完全大轉變
好俾心機咁讀
令你唔使擔心我嘅學業
一唔識就問你嘅我而家完完全全係靠自己溫書上網搵問老師
咁都算係叫係有嘗試付出有改變阿
但係你講
少少付出邊係等於有付出啊
我已經做緊係我能力範圍之內做緊嘅嘢
咁我仲可以做啲乜嘢？
–
阿媽，我非常之佩服你嘅魄力能力，感恩你會為我做嘅嘢，我知我呢一世點樣做都還唔得清
只不過可唔可以唔好借呢一樣野去就合理化踩我唔care我嘅自尊
話晒衰啲講句事實上我根本唔想出世係你逼我，我冇得選擇
我多謝你教我忍
對於外來嘅惡意因為冇證據我冇得申訴
我中一嘅時候比同學整咗一段33秒，講我暗戀男老師嘅影片（which is 根本唔係事實只不過我嗰陣時真係好唔識人與人之間嘅分寸呢一樣我衰我承認錯）仲有好多張惡意P圖。
已經有證據啦你講乜嘢啊
你話呢啲小小事啫你忍埋佢啦
你知唔知樣嘢hurt我幾嚴重你知㗎
你知道我係足足有成兩個禮拜嘅emotional break 成個兩個禮拜都係不停咁喺度喊
惡意P圖我已經算，就當係同學玩玩下
群體杯葛我都算，因為我唔係一個令人覺得討好嘅人
但係而家係一段33秒，令人誤會我傷害到我聲譽嘅影片，仲要後尾我有朋友之後講返一件事係有人喺公開嘅社交平台po 過呢一段咁樣嘅片
你知道嘅傷害係幾大㗎
你做過啲乜嘢
係嗰陣時有冇諗過為我出戲有冇覺得我係受過委屈
你冇諗過㗎，你叫我當大家玩吓忍咗佢算啦
但係都已經令到我情緒崩潰已經係令到我非常之唔舒服，甚至影響我聲譽嘅時候
呢啲仲係玩玩下咩
我而家已經year 11，去咗英國讀書
呢一件事亦都已經係中一學期尾嘅時候
所以我已經冇得追究（雖然我鐘係好希望我可以追究，啲片同惡意P圖我仲有留底）
雖然每次提起都會好不自然咁喊，成個人係咁震，但係傷口都已經醫治得7788，只要我唔提起我就唔會在喊
但係見你嗰一種見到我受委屈唔會為我感到傷心，冷漠嘅樣我就覺得其實你究竟係咪我媽咪
你究竟會唔會去關心我嘅感受
你好嘅時候好好但係你差嘅時候亦都好差
–
其實呢一篇文我阿媽應該冇可能睇到
如果你有你地兩個自己私底下講好，唔好搵我
–
好多謝有呢個平台俾我匿名發洩吓
我忍咗太耐，再唔講我驚自己傷害自己
因為一直都扮癲癲d地，唔care班入邊嗰個class clown嘅我真係好辛苦
如果大家覺得我三觀有咩問題歡迎大家指責我願意接受批評
多謝各位
Sor for 1999
Admin plz po ig