#NSS家庭
[guest ]
我對呢個屋企已經冇希望喇
我呀爸- 佢係個QS*
佢成日返工都好大壓力，喺我小四個年佢直頭大壓力到入醫院，發現佢胃有啲嘢，總之就係做咗好多次手術嗰啲
，喺醫院住咗成年，嗰年我成年都冇見過阿爸，自然同媽咪熟啲
佢未入醫院之前脾氣都唔係好好，成日郁啲就鬧我同細佬，當然我好天真咁樣諗，可能係佢大力得滯先咁姐，體諒吓佢
點不知，佢出咗院之後都係咁，反而變本加厲，成日郁手郁腳。佢同媽咪嘅關係都越嚟越差，我都唔知點解。
呢種情況維持到我上中學之前，上到中學佢哋真係由朝鬧到晚，心情唔好就發洩係我同細佬身上，成日都用粗口鬧我哋，郁手郁腳嘅次數都多咗。我又不停喺度喊，去到已經習以為常，我而家基本上一聽到佢哋鬧交就閂埋房門或者落街行吓，每次佢哋鬧我嘅時候，我都感覺到我哋好似上世有仇，我真係頂唔順，仲要成日喺度打媽咪，我成日都話要報警話佢家暴
如果俾我揀，我寧願自己走，都唔想繼續留喺呢個地方
年初一嗰一日，我阿嫲入咗醫院，我爹哋同媽咪都唔係屋企，我工人又唔肯嘢食俾我哋食，結果年初一去到年初三，我日日都係食杯麵。年初三嗰日，爹哋媽咪返咗屋企嗰啲嘢，我就同佢講我可唔可以落街行吓，我爹哋我一巴冚埋我度，仲問我：「你真係玩嘢啊，阿嫲入咗醫院呀，仲係度笑，你唔知我哋屋企發生咩事咩？」
嗰一刻我真係崩潰，好大聲咁講：「我知屋企發生咩事，我知阿嫲入咗醫院，你哋兩個喺度鬧離婚，你哋一有脾氣就發喺我哋身上面，但係你哋又知唔知我同細佬嘅感受？」
佢哋兩個聽都冇聽過佢哋走咗。
加上我收到我嫲嫲危殆嘅消息，我都唔想唯一錫我嘅人都走埋
仲有我有一句嘢想同爹哋媽咪講，但係之後都冇講出口
「我做咗你哋個女咁多年，睇過你哋鬧過咁多次交，有冇試吓諗下我哋做子女嘅感受？你咪成日都話等我哋大啲就離婚，去到而家，你地兩個都仲係喺同一屋簷下，係為咗維繫一段感情？維繫一個完整嘅家庭？為我哋着想？不過我已經厭倦左你哋嘅詛咒同埋吵罵聲，爹哋媽咪我希望你哋唔好再逃避，傾吓，你哋想接受婚姻輔導，定係想放棄，我哋做子女嘅都冇權去干涉，我只不過希望你哋可以諗清楚」
我冇嘢我好堅強 純發洩thx