#NSS個人
[GUEST] 我係一個f3女仔，我由細到大都好驚動物，係所有動物都驚個種 (除咗人類) 我細個旅行去農場唔敢餵羊，因為啲羊係草地亂跑亂撞真係好恐怖。之後有一次去一個公園玩，個度又有過百隻鴿子，嚇到我大喊大叫。我平時係 ig見到狗會覺得幾得意，但我係條街見到狗、雀鳥都會好驚。問題嚟啦，我bio成績ok，對 bio有興趣，但我好驚我高 form要解剖老鼠，因為我係一個連倉鼠、天竺鼠都好驚嘅人，所有鼠類嘅嘢我真係搞唔掂。如果你叫我解剖人類我就 ok，我唔怕血，我只係驚老鼠，老鼠感覺好污糟。但係真係煩，我想做嘅職業又需要bio，我冇理由為咗一隻老鼠放棄我鍾意嘅 bio，咁我仲應唔應該揀 bio？我有咩辦法可以唔再驚老鼠？呢度有冇人都係好驚老鼠但揀咗 bio？最後又克唔克服到解剖老鼠？多謝大家！我知我講嘢好奇怪但希望大家俾啲建議我。