#NSS家庭
[Guest ] 想問下大家可以點做？
長文慎入
講返小小背景先 自己今年14 有兩個妹妹
1個9歲 1個3歲
自小自己親生父母離咗婚
跟媽咪住 喺婆婆屋企住
小學之前嘅生活一直都好開心
直至去到我幼稚園最後一個暑假
我媽咪就同第二個男人結婚
即係我而家嘅後父
小學開始同佢地住
咁因為佢哋叫我要尊重嘅關係
我都係叫佢做爸爸
大約小學三年級嘅時候
一個平平無奇嘅晚上
夜晚嘅時候食完功課就食飯啦
嗰陣時好揀飲擇食
好記得其中一個餸係蕃茄炒蛋
而我係好唔鍾意食蕃茄
咁就剩係食蛋唔食蕃茄
我爸爸就問我點解唔食
我就話因為唔鐘意食
我嘅父母就喺度鬧交
原因唔係剩係因為呢個原因
仲有好多原因
嗰陣我記得第二日要返學
嗰夜大約0300-0400先瞓到
佢哋閙咗我好耐
起碼6個鐘頭
當中佢閙嘅時候唔止鬧
仲有打 當時我仲細
覺得佢以下嘅行為係因為我做錯佢先會咁
佢扭我耳仔 向後扭 超過1分鐘
佢都有扯我頭髮
令當時嘅我發咗惡夢差唔多1個月
以上所有行為 都係我爸爸做
當媽咪同我解釋
得出嚟結論就係因為佢係做裝修
係粗人一個 冇辦法去改變
要改變就一定有好長時間去做
嗰陣時我唔知點解會信佢
去到中學 嗰陣時咁啱搬屋
啲舅父舅母上哂我屋企
我就有同佢地提起呢件事
同佢地講究竟有幾咁恐怖
當時溝通完之後
佢哋話爸爸只係為你好
都係想你聽話啲
佢哋當時我爸爸應承我唔會再咁樣做
唔知點解咁天真我會去信咗
去到2019/5月嘅時候
惡夢就再一次發生
當時俾人鬧嘅原因
因為我們要將佢嘅書擺晒係張床度
而佢咁啱入嚟就見到
我同佢係上下格床
佢張床係打橫我張床係打直
咁好自不然佢就望到為我張床嘅所有嘢
因為我個人比較亂
自己個床頭櫃都有啲亂
分開咗兩格
其中一格係擺我追星嘅嘢
佢話當時純粹係想話俾我聽我擺得有幾咁差
佢就去咗搞我擺喺床頭櫃嘅兩疊相
唔當時我係唔知佢嘅動作
我以為佢係想拎起之後掉落地
因為佢平時都係咁
我喺唔知佢想做乜嘢嘅時候
就好下意識拎開佢隻手
佢就冚左我兩巴
當時去冚完第一巴嘅時候
我就即刻搵隻手揞住俾佢冚嘅位置
佢打嘅範圍大概半塊面+耳仔
我暗住咗塊面之後
佢就冚多我一巴
幫佢鬧完嘅時候
我行咗落床去廁所睇吓塊面點樣
我一去睇嘅時候
成隻牙都係血
直接啲來講隻牙肉+1隻牙流血
嘴唇就損咗
痛咗一個星期
佢做比我睇就係佢冇錯
嗰陣我媽咪同佢講我隻牙咁樣
佢答咗一句
我都冇出盡力
我出盡力嘅話佢連牙都甩埋
嗰段時間發惡夢超過一個月
直至最近
我諗大約1月中左右
果次喺度鬧我
大概係咩原因我唔係好記得
但係身邊好多人都叫我要同屋企人去正視呢個問題
咁我嗰日就同媽咪去傾
講之前我仲叫佢點都唔可以嬲
佢就拉咗我入房講呢件事啦
我同佢提返起嘅時候
淨係提咗流牙血嗰件事
佢話翻我轉頭
話我小題大做
點解記呢啲嘢可以記咁耐
話如果佢唔係為你好
佢根本唔需要咁做
佢打到你流血係佢唔啱
但係如果唔係你跩嘅話佢根本唔會咁
當刻無情力就係咁㗎啦
話既然你咁辛苦
咁咪唔好喺度住搬走囉
其實諗過好多方法
有諗過真係搬走
但係搬去其他屋企人嘅屋企
我真係唔覺得有咩分別
如果靠自己
根本冇咁嘅資金
發生呢啲嘅時候有諗過去報狗
但係冇證冇據
佢哋都唔會理咁多
而家完全唔知點做好
好多時都有諗過真係去自殺
但係覺得自己捱左咁多年而家先去自殺好唔抵
所以想問吓大家呢個環境底下我可以點做