#NSS個人
[九龍區中學] 宜家啲商人為咗賺錢而降低質量
小弟睇完 #NSS220206E 之後，先發現唔係得我對鞋有問題。
話說，小弟就係今年學期初就買咗對Dr Kong嘅白色波鞋，本來預計對鞋可以著到一年有多，始終PE堂一個星期先一堂，又唔會做好多野，加上我又唔係田徑隊，並且我搭校車返學同放學，應該好耐個鞋底先會磨平。
不過對鞋就問題多多。第一，對鞋個Air質量完全唔得，著咗兩三次就漏氣，完全冇效。第二，個鞋底質量極差，每次著完返屋企都會有大量白色膠粒係鞋底磨出嚟。第三，腳踭位嘅耐磨鞋底根本唔耐磨，著兩個月就穿，搞到個Air爆咗。第四，對鞋著咗一個學期都冇就已經完全磨平哂，個地下一濕就跣到仆街。
不過個鞋面就同全新一樣，仲係白雪雪。咁樣分明係想人去買過對鞋，因為啲人見鞋面仲好新，就應該覺得佢啲質量冇乜問題而繼續去買，咁就正中奸商嘅計。因為你對鞋著半年就平咗，本身你預計一年個鞋底先平而去買，咁樣佢就成功賺多你一倍嘅錢。佢仲要搞埋曬啲買兩對第二對半價嘅優惠，分明氹你買多啲，然後賺多啲。
所以避免遇到奸商，就係唔好買Dr Kong啲運動鞋，真心垃圾，浪費金錢。
圖Link: https://ibb.co/n1YYKzj