#NSS個人
[GUEST] 對唔住各位，我真係太多嘢積存咗喺個心入面un住un住，可能表達出嚟會令我舒服啲。
就係咁嘅，小弟就2023dser，未到17，平時都幾開朗(不是重點)。呢排嘅我有種感覺，好強烈，係湧出嚟，我唔識形容，我分唔清係咪我對自己嘅執着。
不論係人際定學業，都關關地事。
話說以前嘅我到而家都覺得食煙、飲酒、拍拖、破處係人生大事，全部應該16歲或之前做嘅，因為咁嘅人生先至完美。食煙做過，飲酒做過，唯獨後面嗰兩樣做都未做過。
我有時碌IG都會見到「Bb我愛你一生一世」、「我哋今晚扑嘢la」之類嘅post ，我通常都真接略過，但係碌走咗之後仲係有種餘韻(明嘅會明)。
或者啲街訪會問啲人「你第一次拍拖係幾時？」點知個個都答：「14」、「13」、「15」…… 我：「未有」
或者「你初夜係喺幾時？」已經估到：「14」、「16」……我：「未有」
望住IG女神，呢種眼神都係第一次見，點解一個16歲少女會咁完美架，以為佢single，點知原來已經心有所屬。
交友app Done , IG交友投稿 Done ,課外活動 Done 。一個，一個都冇，冇人like ，冇人有興趣。
有次我真係唸住求其搵個人破左佢算，點解冇做，因為冇人睇上我囉⋯⋯
我去咗廁所照鏡。呢啲機會果真唔係屬於我架。此刻，我完全明白阿源嘅感受，真係好好好絕望⋯⋯
差唔多17啦，我已經放棄咗人生，我輸人地咁多，我接受唔到我咁唔完美，就算16之後有施拍，我都應該感受唔到快樂。
另外，我只係得一粒朋友，而且只係傾計打機嘅朋友，查實我並唔係好了解佢，可能當初識嘅時候，只係可憐我得自己一個人先走過嚟陪我傾計。
話說英文科有篇作文，係寫關於假期做過啲咩，咁我咪寫煲劇同啲劇集有咩咁吸引到我囉。跟住老師個comment話要多啲social喎。我頂啊！我就係冇frd我先摺埋咋。
Ok，咁我就聽下老師嘅意見啦。都係頭先嗰堆app 啊 platform 啊。一係就住得遠，一係唔夾dead air 傾唔到落去。算！好！唔搞埋啲咁嘅嘢，我都係繼續摺埋。
唔講呢樣，講學業。啲日子愈嚟愈少，我好驚啊，以前嘅我會唸順利過咗dse嘅日子喺幾咁好，依家我就會唸我過唔到咁點算，嗰啲日子會點。一唸起就想搵嘢咬下，咬下手指、咬下指甲，咬到痛咬到流血先停，可能呢種係一種舒緩情緒嘅方法，都幾work。
前排去親戚屋企拜年，親戚個囡同我同年，咁啱我去嘅時候，佢就做緊功課，咁我都不嬲都摺架啦，被啲親戚推下推下話「咩咁耐冇見同佢傾下偈啦」，咁我就被迫同佢係間房度尬聊。我八掛望下啲書，差唔多所有嘢都係英文嚟架，差啲唔記得佢係保良局架，我嚇親。
跟住佢無端端話：「呢度我唔識啊，你識唔識啊？」我攞起份嘢，數學。。。加英文。。。我唯有扮未教呢課為由做借口推咗佢。
返到屋企，嗰種恐懼仲未消散，我感受到我哋之間嘅差距係幾咁大，我又一次感受到前所未有的絕望。我好驚，我想死⋯⋯
我諗唔明點解我每次溫習，過幾日就唔記得哂啲嘢，溫完又唔記得，我好冇用呀⋯⋯
同埋我係有心想學好英文，我唔係讀國際學校，我成績麻麻，點解個個覺得我好似玩緊咁，我想日常生活同個打機frd講多啲英文啫。咩嘢「fk u 啦」、「u are so L 好笑」，我正經佢就懶好笑⋯⋯
有晚我喺度唸，究竟有啲咩係可以令我快樂呢？我唔知，可能係死嗰陣可以攤喺雪地望住極光。或者一間潔白無瑕嘅屋？真係好天馬行空、好不切實際嘅期望。
我成日同自己講要「企返起身」，即使有幾大嘅挫折。我同自己講「今日要笑多啲啊！」
我都係忍住滴眼淚，拎返起支筆。