#NSS學校
[GUEST] 前幾日返咗學校攞書
但就因為冇著校服俾校工姨姨攔咗喺門口
先發現原來唔著校服係入唔到門口
但我之前唔知道有呢回事
我就同佢哋講返我有帶學生證啦
點知佢哋話疫情嚴重 所以冇著校服嘅唔俾入
由於屋企算係仲搬緊屋 但嘢又未運曬嘅
件校服就咁啱仲運緊
我同佢哋講咗理由 希望通融下
點知都係唔得☹️☹️
冇計 我唯有行出校門同我媽講返 諗住下次再攞
（佢叫我攞完書就報告俾佢😂
點知佢打咗個電話俾校務處 我就又俾人call返去學校 話而家攞得
但我一入門口就俾兩個校工同一個miss輪流鬧爆
話我麻煩咗佢哋 做乜停課之前唔攞 都f4仲咁冇常識諸如此類
總之語氣勁mean仲狂反我白眼
最後佢哋都係冇俾到我上課室攞書
而係將我locker全部嘢清空掉俾我
即係我覺得冇check清楚要著校服係我問題
但點解要著校服先可以入校門呢？🤔
學校同病毒傾好咗唔會感染著校服嘅人？？
如果要證明係學生嘅話點解學生證又唔得呢
硬係覺得好不能理解
到底係學校奇怪定我奇怪🤓🤡
Sor for 1999