#NSS學校
[[GUEST]] 大家好，小妹最近兩三個月開始受到老師騷擾，希望大家可以睇落去，俾啲意見我解決煩惱。🙇♀️
事源f4嘅時候我個好朋友因為屋企嘅一啲家庭問題，導致佢好困擾，事態好嚴重我都唔知點處理，所以我哋兩個決定去搵佢嘅班主任，即一下主角。亦因呢件事同個老師開始熟，本身都係3個人放學會一齊討論同處理我朋友嘅家庭問題，去到之後問題解決咗，個老師會繼續週不時關心下我哋，當佢知道咗我數學好差，就話要幫我補下數。當時我覺得幾好可以唔識就問，因為教我個數學老師同時教緊f6數學成日好忙，我唔好意思放學阻佢去補課，同時我同我數學老師完全唔熟。
就咁我就開始放學會去搵個老師問數，佢亦好認真咁教咗我差唔多大半年。因為我好多謝佢教左我咁耐數，所以係上年旅行日我焗咗好多曲奇餅送朋友，都包括個老師，我仲織咗對手套俾佢，因為佢成日都話對手好凍。然後⋯⋯
然後惡夢就開始……佢收到好開心，之後打咗字文咁嘅message 俾我，話好多謝我、我畢業之後要請我食野、以後唔好再送禮物佢等等。成個聖誕假佢好似轟炸機，日日send一推messages俾我由朝send到晚，我明明都已經超級hea個覆，「阿sir我仲有好多功課要做」、「阿sir放完假我要考試，我要溫書」去到之後我直接覆「✍」、「…」，但咁依然阻止唔到佢日日搵我。其實日日搵我我都算，但最主要係send啲奇怪野俾我，eg「我而家每晚都帶住賢妻良母織嘅手套瞓覺」、見到我ig有我喂貓嘅story之後就wts我「隻貓係你收留嘅流浪貓？介唔介意收到多個人，我想食軟飯好耐」我當時見到真係想即刻block左佢，好後悔點解ig要比學校老師follow 。仲有好多例如:佢會無啦啦同我講而家要出門口去食飯，我覆咁「您出門口小心啲」。但係佢話咩「我再唔出門就夜，再唔係到時你上嚟煮飯給我食」、仲有最恐怖嘅，我細妹唔小心打爛隻杯，我執玻璃嘅時候老師又轟炸，因為係咁響太嘈我就覆咗句執玻璃而家忙緊，之後靜音部手機，然後我見到條message 「有冇帶套?冇人教你做好安全措施？」我見到真係爆炸，帶手套就手套講啲奇怪嘅嘢，講笑係可以但講之前麻煩考慮下他人感受。同佢仲買咗價值大概500嘅生日禮物俾我……明明我無同佢講過我幾時生日，ig亦無出現過我嘅生日，好彩而家zoom唔會見到佢，不過就算見到佢我都唔想收。仲有好多好多，同省略咗老師每幾句就會有嘅心心眼emoji。
我認真好困擾同好唔舒服，對方係老師我又唔敢block 佢同不讀不回，因為咁又好唔尊重長輩。向學校高層講我又唔敢亦唔想，我又唔想佢無咗份工，好似好衰咁。
加上而家zoom，老師佢變得更加得閒，佢見我wts無覆佢，就ig搵我，佢好似24小時online 咁，明明我隔左幾個鐘同睇左佢最後online時間係幾個鐘之前先覆，但我一覆佢就online……我以後都唔會再問佢數學。
希望大家可以俾啲意見我，再係咁我真係要崩潰。
多謝大家用心睇完我嘅投稿
sor for 1999
麻煩admin post ig