#NSS個人
[guest] 小妹今年F5 讀緊band 1 但係成績認真係差 但係冇乜心機去讀書 而且屋企又唔算富裕 老豆人工頂多兩萬多 一家五口
由兩年前講起 老豆突然迷上咗槍game 一隻比較多外國人嘅game 半年前就俾我同老母發現懷疑偷食 同一個話自己係沙地阿拉伯家族做珠寶生意嘅女人講好肉麻嘅嘢 當然嘈咗上嚟 佢話人哋因為佢喺遊戲行為正直所以睇得上佢？？？（即係一睇就feel到類似詐騙嗰種… 唔係自己踩低個老竇 但係認真佢英文都唔識 同個外國女人傾偈都用Google Translate== 睇上你條毛毛咩）但係老竇好大男人主義 同埋好霸道 一口咬定係佢係真 總之聽極都唔入耳
跟住阿媽就喊住對我灌輸一大堆道理 話冇咗老竇嘅話 佢自己就要出去搵錢養家 跟住又開始話我讀書都唔知讀黎做乜考得咁差 雖然知道佢好大壓力 但係自己聽到一定好唔開心同埋好自責 認真小妹對讀書真係毫無上進心 但係又完全冇勇氣同阿媽講 驚俾佢更大壓力 如果真係DSE考得唔好 想知道出嚟搵嘢做係唔係真係一個錯誤嘅選擇？
有其他人同我講 佢哋話你點樣啦讀好啲書先啦 如果你老竇真係走咗 呢個家要靠你同阿媽去照顧細佬妹 鞏固家庭嘅經濟來源 讀過大學出嚟搵份好工仲好啦
認真自問 覺得自己冇咁嘅料可以上到大學
所以應該點做