#NSS愛情
[GUEST] 長 文 慎 入 ‼️
人越大，係咪就會越渴望愛情？
其實我都唔知自己究竟算唔算係戀愛腦
但由細到大
其實都冇點樣特別去諗
究竟愛情係咩一回事
又或者係
當我大個咗嘅時候
又會唔會識得主動去追尋屬於自己嘅愛情
係荷爾蒙嘅影響？
定還是係出自嗰種人有我都要有嘅人性本態？
唔知點解
明明以前對愛情完全冇任何特別感覺
相信撞啱timing緣份自然會降臨
但而家
見住身邊嘅人個個都成雙成對
就開始覺得寧濫勿缺
係
你冇睇錯
我亦冇寫錯
係寧濫勿缺
原來當你真係好渴求、好嚮往一樣野嘅時候
你真係會寧願唔理品質
都想擁有佢
老實講其實到目前為止
我仍然冇對身邊任何一個人產生過愛嘅感覺
我仲未遇到嗰個我真正愛嘅人
但唔知點解
最近我一直控制唔到自己
個腦日日都喺度諗緊
我究竟應唔應該同佢表白好
所謂嘅佢
其實係一個間唔中會撩我傾偈嘅男仔（係以前識嘅
我自己本身讀緊女校
所以近呢兩三年真係幾乎冇同過同我同一個年齡層嘅異性接觸
小學嘅時候都冇特別同其他男仔玩
甚至曾經有一段時間俾一班男仔言語欺凌過
冇郁手
但喺嗰一段時間
幾乎每一日都比佢哋對我講嘅說話hurt到
搞到成日都鬱鬱不樂
亦可能係因為呢個原因
所以即使我冇特別因為同男仔相處而覺得恐懼
但成日都會覺得冇一個男仔係可靠
亦唔會有心思去同佢地傾偈
會覺得係浪費時間
甚至會覺得所有男仔之所以會同女仔傾偈
其實都只係為咗flirt女
於是乎
每次當呢個男仔同我傾偈嘅時候
我都只係hea覆/重複返佢同我講嘅嘢
其實我真係一直都冇認真對待過佢
但可能因為佢係唯一一個有間唔中同我傾偈嘅男仔
再加上我幾肯定自己係異性戀
所以當最近我開始越嚟越想出pool嘅時候
個腦就會情不自禁咁樣諗起佢
一直喺度糾結
其實我同佢究竟有冇得諗
之不過咁
雖然我未經歷過愛情
但我都唔想自己嘅第一段戀情會係求求其其搵個人date
我會覺得好內疚
唔單止辜負咗佢
亦都辜負左自己
更何況
根本連我自己都唔敢肯定
我呢種微妙嘅感覺究竟係唔係鍾意咗佢
更加離譜嘅事實係
我哋最後一次見面已經係小學六年班嘅時候
今年我哋兩個都讀緊中三
但呢三年嚟都冇見過面
雖則以前係識嘅
但而家嘅相處就好似網友咁樣
我同佢嘅關係一直都喺度原地踏步、停滯不前
我仲喺度猶豫緊
究竟應唔應該主動踏出第一步
定還是
放過佢
我都唔知
我淨係知道
實在係有太多同齡人有過拍拖嘅經驗
我已經15歲
有時候我會覺得
如果我再退縮
出pool只會遙遙無期
但事實上我又覺得自己嘅心有過半都係抱住唔想執輸嘅態度
定係其實每個人嘅初戀都係咁懵懵懂懂？
所以我究竟應唔應該去馬？
Ps我本身份人好自卑⋯
外表亦平平無奇
我覺得自己唔配擁有愛情
Ok終於寫完了！
我知道呢篇文真係好長
所以睇到嚟呢度嘅朋友仔
好多謝你哋 ٩(๑>ω<๑)۶
希望可以幫手俾啲意見！
+ tysm nss adminsssss