#NSS學校
[Guest] 純粹放負及取暖
「R.E.」
相信大家唔多唔少都唔會好重視RE呢一科，我都唔例外，小妹我因為懶，全學期淨係交咗兩份功課(全學期共3份)，自問嗰兩份都有認真做，然後考試方面都考得合格，正當我以為一定合格嘅時候，佢俾咗F我。
但問題嚟啦，我哋老師因為「個人原因」，所以去到成績表出嗰陣，我都收唔返啲功課(佢冇派)(全級都收唔到)(全級都係佢教)，所以當時我收到成績表嘅時候，我係完全唔知道自己嘅死因，直到我真係想去問佢跟進嘅時候，我發現佢已經「因事而請求暫停工作」原因一樣係嗰個「個人原因」。到後來經過好幾次詢問，終於拎到詳細啲嘅分數，我先發現原來我差1分就合格，而其實佢平時分比多一分我就夠，而佢淨係俾咗5/10，感覺就係特登要我唔合格，我自問平時都算乖，假假地間唔中都會幫下佢派野。而佢嘅原因係，希望我學識要交齊功課呢個道理「learn a lesson」。無可否認，一切都係我咎由自取，我貪可以懶，而呢個就係我得到嘅後果。正當我咁樣諗嘅時候，我發現其他冇交功課嘅人都有E，而原來因為唔交功課而攞F既得我一個傻仔，我開始喺度諗，究竟係佢針對我，定係我真係做得唔好，點解呢個世界咁唔公平。雖然R.E.其實我唔係好重視，但係搞到我心理好唔平衡，好似俾人搞針對咁。
我明白佢可能希望我可以學識做學生嘅本分，可能呢個就係佢教導學生嘅方式，但係而家我不但學唔到任何嘢，反而覺得個老師好乞人憎，咁你所謂嘅「learn a lesson」係learn下呢個世界有幾唔公平？我甚至諗住下次交白卷算，還掂我做唔做你都係比F，咁我做嚟做咩？
我尊重你教導學生嘅方式，雖然我冇資格去批評，但我真係唔認同。
你仲要留低咁多手尾俾你啲同事🙂
(無侵犯任何宗教的意圖)(本文純屬圍繞老師作出意見及評論)
感謝各位睇到呢度
大家有任何睇返歡迎留言
小妹會好好睇晒
Sorry for 1999
Admin po IG please,thxxxx