#NSS社會
[GUEST] 我唔明，因為對方打針/唔打針就要攻擊對方？
打唔打針唔係自由黎㗎咩？點解最近咁多Post下面啲Comment都覺得唔打針就係有問題、就係應該承受邊度都無得去嘅後果？
我尊重啲去打針嘅人，有啲係為保護自己防重症、有啲只不過係因為唔打無得返工返學，無論點解打都好，都唔係罪、都無問題。
我都尊重唔打針嘅人，有啲係因為身體狀況唔Available、有啲係因為覺得疫苗的副作用同風險依舊大、唔想打，無論點解唔打都好，都唔係罪、都無問題。
我覺得，打唔打針係自由，我嘅身體由我自己選擇，風險我自行承擔。而打針嘅都係選擇（唔排除有可能因為政府逼針啦當然）但係都係一個個人選擇。
咁所以點解唔打針要攻擊打針嘅？而打咗針又要攻擊唔打針嘅？有人有錯咩？無，打唔打針只不過係一個人嘅選擇，對自己身體付嘅責任。打針同唔打針都有後果，不過係後果不同，亦都沒有犯法、沒有做錯。
麻煩唔好再攻擊對方了，麻煩唔好用唔好聽嘅語言去同對方講嘢了，麻煩比少少尊重。
其實疫情會咁嚴重，只可以歸咎於封關封得唔夠完善的政府，令Covid-19 清0 多月後，又捲土重來。
感謝看完🙏🏻