#NSS家庭
[guest] 第一次投稿，希望大家屌細力啲
是咁的，我有個細佬，次次沖完涼唔著衫衝出黎。
今日佢沖完涼又唔著衫，我鬧佢阿爸叫我收聲，跟住佢喺個房度跳舞挑釁我。我入房覺得好嫐就出去打佢一下，我講「你次次沖完涼唔著衫出黎，打機又叫得咁鬼大聲，我受夠你啦！」跟住阿爸就好嫐，拉著我比我一巴掌又鬧我，我冇嘢講入翻房，我好後悔自己又意氣用事，跟住阿媽入黎打我個頭好幾下，我邊喊邊同佢講打佢嘅原因，佢同我講我唔應該出黎嚇佢，我講我當時同佢講左佢不但冇聽仲挑釁我咁我咪打佢，講完佢鬧細佬跟著又話我抵打。
我依家覺得好迷茫，我到底有冇做錯，我次次都咁衝動，我好後悔，希望大家可以比啲建議我或者我到底有冇做錯🥲